ഉത്തർപ്രദേശിന്റെ കോവിഡ് പ്രതിരോധ പ്രവർത്തനങ്ങളിൽ ലോകാരോ​ഗ്യ സംഘടന പോലും അഭിന്ദനം അറിയിച്ചതായി മുഖ്യമന്ത്രി യോ​ഗി ആദിത്യനാഥ്. സർക്കാരിന്റെ ശ്രമഫലമായി കോവിഡ് വ്യാപനം കുറക്കാനായതായും യോ​ഗി നിയമസഭയിൽ പറഞ്ഞു.

കോവിഡ് വ്യാപനത്തെ കുറിച്ചുള്ള ചർച്ച വീണ്ടും സജീവമായിരിക്കുകയാണ്. സംസ്ഥാനത്തെ ആക്ടീവ് കോവിഡ് കേസുകൾ രണ്ടായിരമായി. ആശുപത്രികളിൽ അഞ്ഞൂറിൽ താഴെ പോസിറ്റീവ് കേസുകളെയുള്ളു. രോ​ഗമുക്തരാവുന്നവരുടെ എണ്ണം രാജ്യത്തെ തന്നെ മികച്ചതാണ് യു.പിയിൽ. ലോകാരോ​ഗ്യ സംഘടന വരെ സംസ്ഥാനത്തെ അഭിനന്ദിച്ചുവെന്നും യോ​ഗി പറഞ്ഞു.

കോവിഡ് കാലത്ത് തൊഴിലാളികൾക്കും വഴിയോര കച്ചവടക്കാർക്കും സർക്കാർ ക്ഷേമ പദ്ധതി പ്രഖ്യാപിക്കുകയും നടപ്പിലാക്കും ചെയ്തു. എന്നാൽ കോൺ​ഗ്രസ് ഉൾപ്പടെയുള്ള പാർട്ടികൾ രാഷ്ട്രീയ മുതലെടുപ്പിന് ശ്രമിക്കുകയായിരുന്നുവെന്നും യോ​ഗി കുറ്റപ്പെടുത്തി.