LiveTV

Live

Technology

48 മെഗാപിക്‌സലിന് 64 മെഗാപിക്‌സലിന്റെ മറുപടിയുമായി റിയല്‍മി

ഇപ്പോഴിതാ 48നെ കടത്തിവെട്ടി 64 മെഗാപിക്‌സലിന്റെ ക്യാമറ സ്മാര്‍ട്ട്‌ഫോണുമായി റിയല്‍മി തയ്യാറെടുക്കുന്നു.

48 മെഗാപിക്‌സലിന് 64 മെഗാപിക്‌സലിന്റെ മറുപടിയുമായി റിയല്‍മി

48 മെഗാപിക്‌സലിന്റെ ക്യാമറയടങ്ങിയ സ്മാര്‍ട്ട്ഫോണുകളാണ് ഇപ്പോള്‍ തരംഗമായിക്കൊണ്ടിരിക്കുന്നത്. ഷവോമി തുടങ്ങിയ ഈ പരീക്ഷണം മറ്റെല്ലാ കമ്പനികളും തങ്ങളുടെ പുതിയ മോഡലുകളില്‍ അവതരിപ്പിച്ചുകഴിഞ്ഞു. ഇപ്പോഴിതാ 48നെ കടത്തിവെട്ടി 64 മെഗാപിക്‌സലിന്റെ ക്യാമറ സ്മാര്‍ട്ട്‌ഫോണുമായി റിയല്‍മി തയ്യാറെടുക്കുന്നു. ഇന്ത്യയില്‍ ഇത്തരത്തില്‍ ആദ്യമായൊരു സ്മാര്‍ട്‌ഫോണ്‍ അവതരിപ്പിക്കാനുള്ള ശ്രമത്തിലാണ് കമ്പനി.

ഈ ക്യാമറ ഉപയോഗിച്ച് എടുത്ത ഫോട്ടോയും കമ്പനി പുറത്തുവിട്ടു. 64 MP AI Quad Camera Shot on realme എന്ന വാട്ടര്‍മാര്‍ക്കും ചിത്രത്തിലുണ്ട്. സാംസങ്ങിന്റെ 64 എംപി ഐഎസ്ഓ സെല്‍ ബ്രൈറ്റ് ജി ഡബ്ല്യൂ 1 ഇമേജ് സെന്‍സറാണ് റിയല്‍മി ഉപയോഗിച്ചിട്ടുള്ളത്. കുറഞ്ഞ വെളിച്ചത്തില്‍ 16 എം.പി ചിത്രങ്ങളും തെളിഞ്ഞ പ്രകാശത്തില്‍ 64 എംപി ചിത്രങ്ങളും പകര്‍ത്താന്‍ ഈ സെന്‍സറിനാവും.

സാംസങിന്റെ 64 മെഗാപിക്‌സലിന്റെ സെന്‍സര്‍ ഉപയോഗിക്കുന്ന ആദ്യത്തെ കമ്പനിയില്ല റിയല്‍മി. നേരത്തെ ഷവോമി ഈ സെന്‍സര്‍ ഉപയോഗിച്ച് മോഡല്‍ പുറത്തിറക്കുമെന്ന് അറിയിച്ചിരുന്നു. അതോടൊപ്പം തന്നെ സാംസങ് തങ്ങളുടെ പുതിയ ഗ്യാലക്‌സി എ പരമ്പരയില്‍ 64 മെഗാപിക്‌സല്‍ ഉപയോഗപ്പെടുത്തുമെന്നും പറഞ്ഞിരുന്നു. ഇന്ത്യയില്‍ ആര് ആദ്യം എത്തിക്കുമെന്നാണ് ഇനി അറിയേണ്ടത്.