LiveTV

Live

Technology

വണ്‍ പ്ലസ് 7 ജൂണ്‍ നാലിന് ഇന്ത്യന്‍ വിപണിയിലെത്തും

സ്മാര്‍ട്ട് ഫോണ്‍ പ്രേമികളുടെ ഇഷ്ട ബ്രാന്‍റാണ് വണ്‍ പ്ലസ്. പ്രീമിയം ഫോണുകളോട് കിടപിടിക്കുന്ന തരത്തിലുള്ള മികച്ച ഫീച്ചറുകളാണ് വണ്‍ പ്ലസ് ഉപഭോക്താക്കള്‍ക്ക് നല്‍കുന്നത്.

വണ്‍ പ്ലസ് 7 ജൂണ്‍ നാലിന് ഇന്ത്യന്‍ വിപണിയിലെത്തും

സ്മാര്‍ട്ട് ഫോണ്‍ നിര്‍മാണ രംഗത്തെ പ്രമുഖ കമ്പനിയായ വണ്‍ പ്ലസിന്‍റെ പുതിയ മോഡല്‍ വണ്‍ പ്ലസ് 7 ജൂണ്‍ നാലിന് ഇന്ത്യന്‍ വിപണിയിലെത്തും. ആമസോണ്‍ വഴിയാണ് വില്‍പന ആരംഭിക്കുന്നത്. ജൂണ്‍ നാലിന് തന്നെ ആമസോണ്‍ സൈറ്റ് വഴി വില്‍പന ആരംഭിക്കുമെന്ന് ആമസോണ്‍ ഇന്ത്യ അറിയിച്ചു. നിലവില്‍ വണ്‍ പ്ലസ് 7 പ്രോ ഇന്ത്യന്‍ വിപണിയില്‍ ലഭ്യമാണ്.

6.41 ഇ‍ഞ്ച് ഡിസ്പ്ലേ, 6 ജിബി റാം, 128 ജിബി ഇന്‍റേണൽ മെമ്മറി, ആൻഡ്രോയ്ഡ് പൈ ഓപ്പറേറ്റിങ് സിസ്റ്റം, 48 മെഗാപിക്സൽ + 5 മെഗാപിക്സൽ ഡ്യുവൽ റിയർ ക്യാമറ, 16 മെഗാപിക്സൽ ഫ്രണ്ട് ക്യാമറ, 3700 മില്ലി ആംപിയർ ബാറ്ററി എന്നിവയാണ് പ്രധാന ആകര്‍ഷണങ്ങള്‍. 6ജിബി/128ജിബി മോഡലിന് 32,999 രൂപയും 8ജിബി/256 ജിബി മോഡലിന് 37,999 രൂപയുമാണ് വില. എറ്റവും മികച്ച കണക്ടിവിറ്റി ഫീച്ചറുകളും ഫോണിന്‍റെ സവിശേഷതയാണ്.

സ്മാര്‍ട്ട് ഫോണ്‍ പ്രേമികളുടെ ഇഷ്ട ബ്രാന്‍റാണ് വണ്‍ പ്ലസ്. പ്രീമിയം ഫോണുകളോട് കിടപിടിക്കുന്ന തരത്തിലുള്ള മികച്ച ഫീച്ചറുകളാണ് വണ്‍ പ്ലസ് ഉപഭോക്താക്കള്‍ക്ക് നല്‍കുന്നത്. ഈ മോഡലുകള്‍ ഇറങ്ങുന്നതോടുകൂടി മറ്റ് മുന്‍നിര കമ്പനികളെല്ലാം തിരിച്ചടി നേരിടുമെന്നാണ് ടെക് വിദഗ്ധര്‍ അഭിപ്രായപ്പെടുന്നത്.