LiveTV

Live

Technology

പ്രായപൂര്‍ത്തിയാകാത്തവരില്‍ നിന്നും വിവരശേഖരണം; ടിക്-ടോക്കിന് റെക്കോര്‍ഡ് പിഴ

വിവര ശേഖരണത്തിന്റെ പേരിൽ ചുമത്തുന്ന ഏറ്റവും ഉയർന്ന പിഴയാണ് സോഷ്യൽ നെറ്റ്‍വർക്ക് ആപ്പിന് ചുമത്തിയിരിക്കുന്നത്

പ്രായപൂര്‍ത്തിയാകാത്തവരില്‍ നിന്നും വിവരശേഖരണം; ടിക്-ടോക്കിന് റെക്കോര്‍ഡ് പിഴ

പ്രമുഖ വീഡിയോ ഷെയറിംഗ് നെറ്റ്‍വർക്കായ ‘ടിക്-ടോക്കി’ന് വൻ പിഴ ചുമത്തി അമേരിക്ക. ആപ്പ് ഉപയോഗിക്കുന്ന കുട്ടികളിൽ നിന്നും അനധികൃതമായി സ്വകാര്യ വിവരങ്ങൾ ശേഖരിച്ചു എന്ന കേസിലാണ് ചെെനീസ് ഭീമന് അമേരിക്ക 5.7 മില്യൻ പിഴ ചുമത്തിയത്.

പ്രായപൂര്‍ത്തിയാകാത്തവരില്‍ നിന്നും വിവരശേഖരണം; ടിക്-ടോക്കിന് റെക്കോര്‍ഡ് പിഴ

വിവര ശേഖരണത്തിന്റെ പേരിൽ ചുമത്തുന്ന ഏറ്റവും ഉയർന്ന പിഴയാണ് സോഷ്യൽ നെറ്റ്‍വർക്ക് ആപ്പിന് ചുമത്തിയിരിക്കുന്നതെന്ന് ഫെഡറൽ ട്രേഡ് കമ്മീഷൻ പറഞ്ഞു. സമൂഹ മാധ്യമങ്ങളിൽ യുവാക്കൾക്കിടയിൽ അതിവേഗം ജനപ്രീതിയാർജിച്ച് കൊണ്ടിരിക്കവേയാണ് മുൻ ‘മ്യൂസിക്കൽ.ലി’ ആപ്പായ ടിക്-ടോക്കിന് ശിക്ഷ വിധിച്ചത്. 13 വയസ്സിന് താഴെയുള്ള നിരവധി കുട്ടികൾ ടിക്-ടോക്കിൽ അംഗങ്ങളാണെന്ന വിവരം അറി‍ഞ്ഞിരിക്കെ, രക്ഷിതാക്കളിൽ നിന്നും അനുമതിയില്ലാതെ അവരുടെ വിവരങ്ങൾ ശേഖരിച്ചതാണ് നടപടിയുണ്ടാകാൻ കാരണമെന്ന് എഫ്.ടി.സി മേധാവി ജോയി സിമ്മൺസ് പറഞ്ഞു.

പ്രായപൂര്‍ത്തിയാകാത്തവരില്‍ നിന്നും വിവരശേഖരണം; ടിക്-ടോക്കിന് റെക്കോര്‍ഡ് പിഴ

മ്യൂസിക്കൽ‌.ലിയിൽ നിന്നും ടിക്-ടോക്കായി മാറിയതിനെ തുടർന്ന് അമേരിക്കയിലടക്കം വൻ ജനപ്രീതിയാണ് ആപ്പിന് ലഭിച്ചത്. എന്നാൽ ലോഗിൻ ചെയ്യുന്നതിനായി പ്രായപൂർത്തിയാകാത്ത കുട്ടികളിൽ നിന്നുൾപ്പടെ ഇ-മെയിൽ അ‍ഡ്രസും ഫോൺ നമ്പര്‍, ചെറു ബയോഗ്രഫി, പ്രൊഫെെല്‍ ചിത്രം ഉൾപ്പടെയുള്ള കാര്യങ്ങൾ ആപ്പ് ശേഖരിക്കുകയായിരുന്നു. ടിക് ടോക്കിനെതിരായ ഈ റെക്കോർഡ് പിഴ മറ്റു ഓൺലെെൻ ദാതാക്കൾക്കും പാഠമായിരിക്കണമെന്നും ഫെ‍ഡറൽ കമ്മീഷൻ അറിയിച്ചു.

സുരക്ഷിതമല്ലാത്ത കണ്ടന്റിന്റെ പേരിൽ ഇതിന് മുമ്പും ടിക് ടോക്കിനെതിരെ വിമർശനമുയർന്നിരുന്നു. നടപടിയെ തുടർന്ന്, യൂസേഴ്സിന് കൂടുതൽ സുരക്ഷിതമായ പ്രെെവസി പോളിസിക്കുവേണ്ട കാര്യങ്ങൾ ചെയ്യുമെന്ന് ടിക്-ടോക്ക് പ്രസ്താവനയിൽ പറയുകയുണ്ടായി.