LiveTV

Live

Technology

ഭാഗ്യശാലികള്‍ക്ക് ഗാലക്‌സി നോട്ട് 9 നേടാന്‍ അവസരമൊരുക്കി സാംസങ്

തങ്ങളുടെ ഔദ്യോഗിക ഫേസ്ബുക്ക് പേജിലൂടെയാണ് സാംസങ് മത്സരവിവരം പുറത്തുവിട്ടിരിക്കുന്നത്.

ഭാഗ്യശാലികള്‍ക്ക് ഗാലക്‌സി നോട്ട് 9 നേടാന്‍ അവസരമൊരുക്കി സാംസങ്

മൂന്ന് പേര്‍ക്കാണ് തങ്ങളുടെ പുതിയ സ്മാര്‍ട്ട്‌ഫോണായ ഗാലക്‌സി നോട്ട്9 നേടാന്‍ സാംസങ് അവസരമൊരുക്കിയിരിക്കുന്നത്. 1 ടെറാബൈറ്റ് (1000 ജി.ബി) സ്‌റ്റോറേജാണ് ഗാലക്‌സി നോട്ട് 9ന്റെ പ്രധാന സവിശേഷതയായി സാംസങ് എടുത്തുപറയുന്നത്. ഇതുമായി ബന്ധപ്പെട്ടുള്ള ഒരു മത്സരമാണ് സാംസങ് ഓണ്‍ലൈനില്‍ സംഘടിപ്പിച്ചിരിക്കുന്നത്.

തങ്ങളുടെ ഔദ്യോഗിക ഫേസ്ബുക്ക് പേജിലൂടെയാണ് സാംസങ് മത്സരവിവരം പുറത്തുവിട്ടിരിക്കുന്നത്. ഈ സന്ദേശത്തില്‍ സാംസങ് നല്‍കിയിരിക്കുന്ന വാട്‌സ്ആപ്പ് നമ്പറിലേക്ക് പരമാവധി പാട്ടുകളും വീഡിയോകളും ചിത്രങ്ങളും അയക്കുകയാണ് മത്സരം. ഇതില്‍ നിന്നും മൂന്ന് ഭാഗ്യശാലികളെയാണ് സാംസങ് തെരഞ്ഞെടുക്കുക.

It’s LIVE, India! This is your time to shine and take away three 1 TB Ready #GalaxyNote9 phones! What will it take to...

Posted by Samsung on Wednesday, December 5, 2018

ഡിസംബര്‍ ആറിന് തുടങ്ങിയ മത്സരം ഡിസംബര്‍ 15 വരെയാണുള്ളത്. നിയമപരമായി തടസങ്ങളില്ലാത്ത ഇന്ത്യയിലെ എല്ലാ സംസ്ഥാനങ്ങളിലുള്ളവര്‍ക്കും മത്സരത്തില്‍ പങ്കെടുക്കാം.