LiveTV

Live

Technology

10 ജിബി റാം; ഞെട്ടിക്കാനൊരുങ്ങി ഒപ്പോ 

10 ജിബി റാം പിന്തുണയുള്ള ലോകത്തിലെതന്നെ ആദ്യത്തെ സ്മാര്‍ട്ട്‌ഫോണാവാനൊരുങ്ങി ഒപ്പോ. 

10 ജിബി റാം; ഞെട്ടിക്കാനൊരുങ്ങി ഒപ്പോ 

10 ജിബി റാം കരുത്തുള്ള ലോകത്തിലെ ആദ്യത്തെ സ്മാര്‍ട്ട്‌ഫോണാവാ നൊരുങ്ങി ഒപ്പോ. ഒപ്പോ ഫൈന്‍ഡ് എക്‌സ് (Oppo Find X ) എന്നാണ് മോഡലിന്റെ പേര്. ചൈനീസ് മാര്‍ക്കറ്റുകളെയാണ് ആദ്യം ലക്ഷ്യം വെക്കുന്നതെങ്കിലും വൈകാതെ ഇന്ത്യയിലും അവതരിക്കും.10 ജിബി റാമും 256 ജിബി ഓണ്‍ബോര്‍ഡ് സ്‌റ്റോറേജുമാണ് ഈ മോഡലിന്റെ ഏറ്റവും വലിയ പ്രത്യേകത. നിലവില്‍ ഒപ്പോയുടെ ഫൈന്‍ഡ് എക്‌സ്‌ മോഡല്‍ ഇതിനകം പുറത്തിറക്കിയിട്ടുണ്ട്. 8 ജിബി റാം ആണ് ആ മോഡലിനുള്ളത്. ഏകദേശം 59,990 രൂപയാണ് വില. എന്നാല്‍ ഈ മോഡല്‍ 10ജിബി റാമിലേക്ക് എത്തുമ്പോള്‍ വിലയിലും മാറ്റം വരും. അതേസമയം 8ജിബി റാം ഉള്ള മോഡലിന്റെ സമാനമായ പ്രത്യേകതകളായിരിക്കും 10 ജിബി റാം ഉള്ള മോഡലിലും ഉണ്ടാവുക എന്നാണ് പുറത്തുവരുന്ന റിപ്പോര്‍ട്ടുകള്‍.

ഓപ്പോ ഫൈന്‍ഡ് എക്സിലെ പ്രത്യേകതകളെന്തൊക്കെ?

ആന്‍ഡ്രോയിഡ് 8.1 ഒറിയോയുടെ കളര്‍ ഒ.എസ് 5.1 ആണ് ഓപറേറ്റിങ് സിസ്റ്റം. 6.42 ഇഞ്ച് ഫുള്‍ എച്ച്.ഡി അമോള്‍ഡ് ഡിസ്‌പ്ലെ, 19.5:9 ആസ്‌പെക്ട് റേഷ്യോ, 93.8 സ്‌ക്രീന്‍ ടു ബോഡി റേഷ്യോ. ഒക്ടാകോര്‍ ക്വാല്‍കം സ്‌നാപ്ട്രാഗണ്‍ 845 പ്രൊസസര്‍, ഇരട്ട ക്യാമറ സൗകര്യം, 16 മെഗാപിക്‌സലിന്റെ പ്രൈമറി സെന്‍സറും 20 മെഗാപിക്‌സലിന്റെ സെക്കന്‍ഡറി സെന്‍സറും. 20 മെഗാപിക്‌സലിന്റെ ഒറ്റ സെല്‍ഫി ക്യാമറ. f/2.0 അപേര്‍ച്ചര്‍. 3,730 എം.എ.എച്ച് ആണ് ബാറ്ററി, ഫാസ്റ്റ് ചാര്‍ജിങ് സൗകര്യവുമുണ്ട്. പോപ് അപ് രൂപത്തിലാണ് ക്യാമറ വരിക.

10 ജിബി റാം; ഞെട്ടിക്കാനൊരുങ്ങി ഒപ്പോ 

ഈ പ്രത്യേകതകളില്‍ എങ്ങനെയാവും 10 ജിബി റാം പ്രവര്‍ത്തിക്കുക എന്ന ആകാംക്ഷയിലാണ് സ്മാര്‍ട്ട്‌ഫോണ്‍ പ്രേമികള്‍. പ്രത്യേകിച്ച് ആപ്പിളിന്റെ ഐഫോണ്‍ ടെന്‍ എസും ഗൂഗിള്‍ പിക്‌സല്‍ 2 വുമൊക്കെ 4ജിബി റാമില്‍ അത്യുഗ്രന്‍ ഫീച്ചറുകള്‍ നല്‍കുമ്പോള്‍. ഒപ്പോക്ക് പിന്നാലെ വിവോയും 10 ജിബി റാം ഉള്ള ഫോണ്‍ പുറത്തിറക്കാനുള്ള ഒരുക്കത്തിലാണ്.