LiveTV

Live

Technology

രണ്ട് റെഡ്‍മി ഫോണുകള്‍ കൂടി വരുന്നു; വിലയും സവിശേഷതകളും

ചൈനയില്‍ ഷവോമി അവതരിപ്പിച്ച റെഡ്മിയില്‍ നിന്നുള്ള രണ്ടു പുത്തന്‍ തലമുറ ഫോണുകള്‍ ഉടന്‍ ഇന്ത്യലെത്തും. റെഡ്മി 6, റെഡ്മി 6എ സ്‍മാര്‍ട്ട് ഫോണുകളാണ് സെപ്തംബറില്‍ ഇന്ത്യന്‍ വിപണിക്കൊപ്പം ചേരുക. 

രണ്ട് റെഡ്‍മി ഫോണുകള്‍ കൂടി വരുന്നു; വിലയും സവിശേഷതകളും

കഴിഞ്ഞമാസം ചൈനയില്‍ ഷവോമി അവതരിപ്പിച്ച റെഡ്മി കുടുംബത്തില്‍ നിന്നുള്ള രണ്ടു പുത്തന്‍ തലമുറ ഫോണുകള്‍ ഉടന്‍ ഇന്ത്യലെത്തും. റെഡ്മി 6, റെഡ്മി 6എ തുടങ്ങിയ സ്‍മാര്‍ട്ട് ഫോണുകളാണ് സെപ്തംബറില്‍ ഇന്ത്യന്‍ വിപണിക്കൊപ്പം ചേരുക. റെഡ്മി 6 അടിസ്ഥാന മോഡലിന് 8500 രൂപയും 6 എ അടിസ്ഥാന മോഡലിന് 6500 രൂപയുമാണ് വില.

റെഡ്മി 6

5.45 ഇഞ്ച് എച്ച്.ഡി ഡിസ്‍പ്ലേയാണ് റെഡ്മി 6 ന്‍റെ വലുപ്പം. രണ്ടു വേരിയന്‍റുകളിലായാണ് റെഡ്മി 6 നെ അവതരിപ്പിക്കുന്നത്. 3 ജി.ബി റാമും 32 ജി.ബി സ്റ്റോറേജുമുള്ള വേരിയന്‍റും 4 ജി.ബി റാമും 64 ജി.ബി സ്റ്റോറേജുമുള്ള മറ്റൊരു വേരിയന്‍റും. ഡ്യുവല്‍ കാമറയാണ് മറ്റൊരു പ്രത്യേകത. 12 എം.പി + 5 എം.പി ഡ്യുവല്‍ കാമറയാണിതില്‍. 5 എം.പി സെല്‍ഫി കാമറയും. ആന്‍ഡ്രോയ്ഡ് 8.1 ഒറിയോ ഓപ്പറേറ്റിങ് സിസ്റ്റത്തിലാണ് ഇതിന്‍റെ പ്രവര്‍ത്തനം. 3000 mAh ബാറ്ററി റെഡ്മി 6 ന് കൂടുതല്‍ ആയുസ് നല്‍കും. ഫിംഗര്‍ പ്രിന്‍റ് സ്കാനറും ഫേസ്‍ലോക്ക് സുരക്ഷയുമൊക്കെ അടങ്ങുന്ന റെഡ്മി 6 ന്‍റെ 3 ജി.ബി റാം വേരിയന്‍റിന് 8500 രൂപയും 4 ജി.ബി വേരിയന്‍റിന് 10500 രൂപയുമാണ് വില.

റെഡ്മി 6 എ

സ്‍മാര്‍ട്ട്ഫോണുകളുടെ കൂട്ടത്തില്‍ മികച്ച സവിശേഷതകളുള്ള ബജറ്റ് ഫോണുകള്‍ തേടുന്നവര്‍ക്ക് തെരഞ്ഞെടുക്കാവുന്ന ഒന്നാണ് റെഡ്മി 6 എ. 5.45 ഇഞ്ച് ഡിസ്പ്ലേയാണിതില്‍. 12 എം.പി പ്രധാന കാമറയും 5 എം.പി സെല്‍ഫി കാമറയും. ആന്‍ഡ്രോയ്ഡ് ഒറിയോയില്‍ തന്നെയാണ് പ്രവര്‍ത്തനം. മീഡിയടെക് ഹെലിയോ എ22 പ്രൊസസറാണ് 6 എ യുടെ കരുത്ത്. 3000 mAh ബാറ്ററി തന്നെയാണ് റെഡ്മി 6 എ യിലും. 6500 രൂപയാണ് വില.