LiveTV

Live

Sports

ബോ​ക്സിം​ഗ് ഡേ ​ടെ​സ്റ്റി​ൽ ആസ്ട്രേലിയ 195ന് പുറത്ത്

നാ​യ​ക​ന്‍ വി​രാ​ട് കോ​ഹ്‌​ലി​ നാട്ടിലേക്ക് മടങ്ങിയതിനെ തുടര്‍ന്ന് അ​ജി​ങ്ക്യ രാ​ഹ​നെ​യാ​ണ് ടീ​മി​നെ ന​യി​ക്കു​ന്ന​ത്

ബോ​ക്സിം​ഗ് ഡേ ​ടെ​സ്റ്റി​ൽ ആസ്ട്രേലിയ 195ന് പുറത്ത്

ബോ​ക്സിം​ഗ് ഡേ ​ടെ​സ്റ്റി​ൽ ആസ്ട്രേലിയ 195 റണ്‍സിന് പുറത്തായി. ടോ​സ് നേ​ടി ആസ്ട്രേ​ലി​യ ബാ​റ്റിം​ഗ് തെ​ര​ഞ്ഞെ​ടു​ക്കുകയായിരുന്നു. ജസ്പ്രീത് ബുമ്ര നാല് വിക്കറ്റും ആർ. അശ്വിൻ മൂന്ന് വിക്കറ്റും മുഹമ്മദ് സിറാജ് രണ്ട് വിക്കറ്റും നേടി. മാത്യു വേഡ് (30), മാർനസ് ലബുഷെയ്ൻ (48), ട്രാവിസ് ഹെഡ് (38) എന്നിവരാണ് ആസ്ട്രേലിയന്‍ നിരയില്‍ ഇന്ത്യന്‍ ആക്രമണത്തില്‍ പിടിച്ചു നിന്നത്.

10 പന്തുകൾ നേരിട്ട് റണ്ണൊന്നുമെടുക്കാതെ നിന്ന ഓ​പ്പ​ണ​ർ ജോ ​ബേ​ൺ​സി​നെ പൂ​ജ്യ​ത്തി​ന് മ​ട​ക്കി ബും​മ്ര​യാ​ണ് തു​ട​ക്ക​മി​ട്ട​ത്. മാ​ത്യു വേ​ഡി​നെ​യും (30) സ്റ്റീ​വ​ൻ സ്മി​ത്തി​നെ​യും (0) പു​റ​ത്താ​ക്കി അ​ശ്വി​ൻ ഇ​ന്ത്യ​യു​ടെ തു​ട​ക്കം ഗം​ഭീ​ര​മാ​ക്കി. തുടർന്ന് ലബുഷെയ്നും ട്രാവിസ് ഹെഡും ചേർന്ന് ഓസീസ് സ്കോർ 100 കടത്തി. ഹെഡിനെ പുറത്താക്കി ബുമ്ര ഈ കൂട്ടുകെട്ടു പൊളിച്ചു.

132 പന്തുകൾ നേരിട്ട ലബുഷെയ്നെ ശുഭ്മാൻ ഗില്ലിന്റെ കൈകളിലെത്തിച്ചാണ് സിറാജ് കരിയറിലെ ആദ്യ ടെസ്റ്റ് വിക്കറ്റ് വീഴ്ത്തിയത്. തൊട്ടുപിന്നാലെ കാമറൂൺ ഗ്രീനിനെയും സിറാജ് മടക്കി. 13 റൺസെടുത്ത ക്യാപ്റ്റൻ ടിം പെയ്ൻ ഹനുമാ വിഹാരിക്കു ക്യാച്ച് നൽ‌കിയാണ് പുറത്തായത്.

നാ​യ​ക​ന്‍ വി​രാ​ട് കോ​ഹ്‌​ലി​ നാട്ടിലേക്ക് മടങ്ങിയതിനെ തുടര്‍ന്ന് അ​ജി​ങ്ക്യ രാ​ഹ​നെ​യാ​ണ് ടീ​മി​നെ ന​യി​ക്കു​ന്ന​ത്. അ​ഡ്‌​ലെ​യ്ഡ് ഡേ-​നൈ​റ്റ് ടെ​സ്റ്റി​ല്‍ നിന്ന് ഇ​ന്ത്യ വ​ലി​യ മാ​റ്റ​ങ്ങ​ളു​മാ​യി​ട്ടാ​ണ് ഇ​റ​ങ്ങി​യ​ത്. ഓ​പ്പ​ണ​ര്‍ പൃ​ഥ്വി ഷാ, ​വി​ക്ക​റ്റ്കീ​പ്പ​ര്‍ വൃ​ദ്ധി​മാ​ന്‍ സാ​ഹ, മു​ഹ​മ്മ​ദ് ഷാ​മി എ​ന്നി​വ​രെ ഒ​ഴി​വാ​ക്കി. പ​ക​രം ശു​ഭ്മാ​ന്‍ ഗി​ല്‍, ഋ​ഷ​ഭ് പ​ന്ത്, ര​വീ​ന്ദ്ര ജ​ഡേ​ജ, മു​ഹ​മ്മ​ദ് സി​റാ​ജ് എ​ന്നി​വ​ർ ആ​ദ്യ പ​തി​നൊ​ന്നി​ൽ ഇ​ടം​നേ​ടി.

നാല് ടെസ്റ്റുകളുള്ള പരമ്പരയിലെ ആദ്യ ടെസ്റ്റിൽ എട്ട് വിക്കറ്റിന് ആസ്ട്രേലിയക്കായിരുന്നു ജയം.