LiveTV

Live

Sports

സമനിലയില്‍ കുരുങ്ങി ഫ്രാന്‍സ് - യുറൂഗ്വെ പോരാട്ടങ്ങള്‍  

ഏറ്റുമുട്ടിയ 7 കളികളില്‍ 2 ജയം യുറുഗ്വെയ്ക്ക്, ഒരെണ്ണം ഫ്രാന്‍സിനും. നാല് കളികള്‍ ഗോളില്ലാ സമനിലയായി.

സമനിലയില്‍ കുരുങ്ങി ഫ്രാന്‍സ് - യുറൂഗ്വെ പോരാട്ടങ്ങള്‍  

ഫ്രാന്‍സും യുറൂഗ്വെയും തമ്മില്‍ ഇതിന് മുന്‍പ് ഏറ്റുമുട്ടിയതിലേറെയും സമനിലയായിരുന്നു ഫലം. രണ്ട് മത്സരത്തില്‍ യുറൂഗ്വെ വിജയം നേടിയപ്പോള്‍ ഒന്നില്‍ മാത്രമാണ് ഫ്രാന്‍സിന് വിജയിക്കാനായത്.

1966ലെ ഇംഗ്ലണ്ട് ലോകകപ്പിലാണ് ഫ്രാന്‍സും യുറൂഗ്വെയും ആദ്യമായി നേര്‍ക്കു നേര്‍ എത്തുന്നത്. ഗ്രൂപ്പ് മത്സരത്തില്‍ ഒന്നിനെതിരെ 2 ഗോളുകള്‍ക്ക് യുറൂഗ്വെയ്ക്കായിരുന്നു ജയം. ഒരു ഗോളിന് മുന്നിട്ടു നിന്ന ശേഷമായിരുന്നു അന്ന് ഫ്രാന്‍സിന്റെ തോല്‍വി.

1985ലെ ഇന്റര്‍ കോണ്ടിനെന്റല്‍ കപ്പില്‍ ഇരുവരും വീണ്ടും ഏറ്റുമുട്ടി. ലോകകപ്പിലെ തോല്‍വിക്ക് രണ്ടാമൂഴത്തില്‍ ഫ്രാന്‍സ് തിരിച്ചടിച്ചു. എതിരില്ലാത്ത 2 ഗോളുകള്‍ക്കായിരുന്നു അന്ന് ഫ്രാന്‍സിന്റെ ജയം.

2002ലേയും 2010ലേയും ലോകകപ്പില്‍ ഫ്രാന്‍സും യുറുഗ്വെയും ഒരേ ഗ്രൂപ്പിലെത്തി. തുല്ല്യശക്തികളുടെ പോരാട്ടം കണ്ട രണ്ട് മത്സരങ്ങളിലും ഗോള്‍രഹിത സമനിലയായിരുന്നു ഫലം. സൌഹൃദ മത്സരങ്ങളിലും ഇരുടീമുകളും ഗോളടിക്കാത്ത 2 മത്സരങ്ങള്‍. 2008ലും 2012ലും ഏറ്റുമുട്ടിയപ്പോള്‍ സമനില കളി കൈയ്യടക്കി. ഇരുവരും ഏറ്റുമുട്ടിയ 7 കളികളില്‍ 2 ജയം യുറുഗ്വെയ്ക്ക്, ഒരെണ്ണം ഫ്രാന്‍സിനും. നാല് കളികള്‍ ഗോളില്ലാ സമനിലയായി.

ഫ്രാന്‍സും യുറൂഗ്വെയും അവസാനം ഏറ്റുമുട്ടിയത് 2013ലെ സൌഹൃദ മത്സരത്തില്‍. സമനിലക്ക് വിട്ട് കൊടുക്കാതെ ആ മത്സരം യുറൂഗ്വെ സ്വന്തമാക്കി. സൂപ്പര്‍ താരം ലൂയി സുവാരസ് നേടിയ ഒരു ഗോളിനായിരുന്നു അന്ന് യുറൂഗ്വെയുടെ ജയം.