LiveTV

Live

Saudi Arabia

റമദാനോടനുബന്ധിച്ച് സൗദിയില്‍ പൊതുമാപ്പ്; ആയിരങ്ങള്‍ ജയില്‍ മോചിതരാകും

റമദാനോടനുബന്ധിച്ച് സൗദിയില്‍ പൊതുമാപ്പ്; ആയിരങ്ങള്‍  ജയില്‍ മോചിതരാകും

റമദാനോടനുബന്ധിച്ച് സൗദിയില്‍ പൊതുമാപ്പിന്റെ ഭാഗമായി തടവുകാരെ മോചിപ്പിക്കും. വരും ദിവസങ്ങളില്‍ മോചിപ്പിക്കുന്ന വിദേശികള്‍ ഉള്‍പ്പെടെയുള്ളവരുടെ പട്ടികക്ക് സല്‍മാന്‍ രാജാവ് അംഗീകാരം നല്‍കും. ആയിരത്തിലേറെ പേരാണ് ജയില്‍ മോചിതരാകുക.

റമദാന്റെ ഭാഗമായി സൗദി ഭരണാധികാരി സല്‍മാന്‍ രാജാവാണ് പൊതുമാപ്പ് പ്രഖ്യാപിക്കുക. കഴിഞ്ഞ വര്‍ഷം ഇതേ രീതിയില്‍ 1148 തടവുകാരെ മോചിപ്പിച്ചിരുന്നു. രാജാവിന്‍റെ നിര്‍ദേശപ്രകാരം ജയില്‍മോചനത്തിനു അര്‍ഹാരായവരുടെ പട്ടിക ഓരോ ദിനവും തയ്യാറാക്കും. ഇതിനനുസരിച്ചാണ് മോചനങ്ങള്‍. വിട്ടയക്കുന്നവരില്‍ വിദേശികളുമുണ്ടാകും. ഇവരെ നാട്ടിലേക്ക് തിരിച്ചയക്കും. തടവ് കാലയളവിന്റെ പകുതി പിന്നിട്ടവരും പൊതുമാപ്പിനു അര്‍ഹരാണ്. അഞ്ച് ലക്ഷം റിയാലില്‍ കൂടുതല്‍ സാമ്പത്തിക ബാധ്യതയുള്ളവരുടെ കേസുകള്‍ കോടതിയും ധനകാര്യ വകുപ്പും പരിശോധിക്കും. ഇതിന് ശേഷമാകും അന്തിമ തീരുമാനം. കൂടോത്രം, മനുഷ്യക്കടത്ത്, ബാലപീഡനം, രാജ്യ വിരുദ്ധ പ്രവര്‍ത്തനം, വന്‍കിട സാമ്പത്തിക തട്ടിപ്പ് തുടങ്ങിയ ഗുരുതര കുറ്റങ്ങള്‍ക്ക് പൊതുമാപ്പ് ലഭിക്കില്ല.