LiveTV

Live

Qatar

ചില കോവിഡ് നിയന്ത്രണങ്ങള്‍ ഖത്തര്‍ പുനസ്ഥാപിച്ചു, വിമാനസര്‍വീസുകളില്‍ മാറ്റമില്ല

തീരുമാനം കോവിഡ് രോഗികള്‍ വീണ്ടും ഉയരുന്ന പശ്ചാത്തലത്തില്‍

ചില കോവിഡ് നിയന്ത്രണങ്ങള്‍ ഖത്തര്‍ പുനസ്ഥാപിച്ചു, വിമാനസര്‍വീസുകളില്‍ മാറ്റമില്ല

കോവിഡ്​ രോഗികളുടെ എണ്ണം വീണ്ടും ഉയരുന്ന സാഹചര്യത്തിൽ ഖത്തറിൽ ചില നിയന്ത്രണങ്ങൾ പുനസ്​ഥാപിക്കാൻ മന്ത്രിസഭ തീരുമാനിച്ചു. എന്നാൽ ഖത്തറിലേക്ക്​ യാത്രാവിലക്ക്​ ഇല്ല. ഇത്തരത്തിലുള്ള പ്രചാരണം തെറ്റാണെന്നും അധികൃതർ അറിയിച്ചു. നിലവിലുള്ള സര്‍വീസുകള്‍ അതേപടി തുടരും. വീണ്ടും ഏര്‍പ്പെടുത്തുന്ന നിയന്ത്രണങ്ങള്‍ താഴെ പറയുന്നവയാണ്.

  • ഓഫിസുകളിൽ 80 ശതമാനം ജീവനക്കാർ മാത്രമേ ഹാജരാകാൻ പാടുള്ളൂ. ബാക്കിയുള്ളവർ വീടുകളിലിരുന്ന്​ ജോലി ചെയ്യണം.

  • ഓഫിസുകളിലെ യോഗങ്ങളിൽ 15 പേർ മാത്രമേ ഉണ്ടാകാൻ പാടുള്ളൂ.

  • ഇൻഡോർ പരിപാടികളിൽ അഞ്ചുപേർ മാത്രമേ ഉണ്ടാകാവൂ. പുറത്തുനടക്കുന്ന പരിപാടികളിൽ​ 15 പേർക്കും അനുമതി.

  • പാർക്കുകളിലെയും ബീച്ചുകളിലെയും കളിസ്​ഥലങ്ങൾ അടക്കും.

  • റസ്​റ്റോറൻറുകൾ, കഫേകൾ എന്നിവയുടെ പ്രവർത്തനശേഷി കുറച്ചു. മാളുകളിലെ ഫുഡ്​കോർട്ടുകൾ അടക്കണം.

  • പള്ളികൾ അടക്കില്ല. അംഗശുദ്ധിവരുത്താനുള്ള സൗകര്യങ്ങൾ, ടോയ്​ലെറ്റ്​ എന്നിവ അടച്ചിടും.

  • ഓൺലൈൻ, നേരിട്ടുള്ള പഠനം എന്നിവ സമന്വയിപ്പിച്ചുള്ള പഠനരീതിയിൽ തന്നെ നിലവിലുള്ള ശേഷിയിൽ സ്​കൂളുകൾ പ്രവർത്തിക്കും.