LiveTV

Live

Oman

ഒമാനിൽ സന്ദർശന വിസാ കാലാവധി ജൂൺ 15 വരെ നീട്ടി

വിമാനത്താവളം അടച്ചതിനാൽ സ്വദേശത്തേക്ക്​ മടങ്ങാൻ കഴിയാത്തവർക്കാണ്​ ഈ ആനുകൂല്യം ലഭ്യമാവുക. സന്ദർശന വിസകൾ ജൂൺ 15 വരെ സൗജന്യമായി പുതുക്കി കിട്ടുമെന്നും ആർ.ഒ.പി അറിയിച്ചു.

ഒമാനിൽ സന്ദർശന വിസാ കാലാവധി ജൂൺ 15 വരെ നീട്ടി

കോവിഡിനെ തുടർന്ന്​ ഒമാനിൽ കുടുങ്ങിയ വിദേശികളുടെ വിസിറ്റ്​, എക്​സ്​പ്രസ്​ വിസകളുടെ കാലാവധി ഇൗ മാസം 15 വരെ നീട്ടിയതായി റോയൽ ഒമാൻ പൊലീസ്​ അറിയിച്ചു. വിമാനത്താവളം അടച്ചതിനാൽ സ്വദേശത്തേക്ക്​ മടങ്ങാൻ കഴിയാത്തവർക്കാണ്​ ഇൗ ആനുകൂല്ല്യം ലഭ്യമാവുക. സന്ദർശന വിസകൾ ജൂൺ15 വരെ ഇവ സൗജന്യമായി പുതുക്കി കിട്ടുമെന്നും ആർ.ഒ.പി അറിയിച്ചു.

ലോക്​ഡൗണിനെ തുടർന്ന്​ വിദേശത്ത്​ കുടുങ്ങിയ ഒമാനിൽ റസിഡൻസ്​ വിസയുള്ളവർക്ക്​ അതി​​​​​െൻറ കാലാവധി കഴിയുന്ന പക്ഷം ഒാൺലൈനിൽ പുതുക്കാൻ സാധിക്കും. ഒമാന്​ അകത്തുള്ളവർക്കും റസിഡൻസ്​ വിസ ഒാൺലൈനിൽ പുതുക്കാൻ സൗകര്യമുണ്ട്​. സന്ദർശക വിസ ലഭിച്ചെങ്കിലും വിമാനത്താവളം അടക്കുന്നതിന്​ മുമ്പ്​ രാജ്യത്ത്​ ഇറങ്ങാൻ സാധിക്കാത്തവർ പഴയ വിസക്ക്​ പകരം പുതിയത്​ അപേക്ഷിക്കണം.

ഭൂരിപക്ഷം വിസകളും ഒാൺലൈനിൽ പുതുക്കാൻ സൗകര്യമുണ്ട്​. പുതുക്കുന്നതിനുള്ള അപേക്ഷ ഒാൺലൈൻ സംവിധാനത്തിൽ സ്വീകരിക്കാത്ത പക്ഷം ആ വിസ പുതുക്കാൻ കഴിയില്ലെന്ന കാര്യം മനസിലാക്കണമെന്ന്​ ആർ.ഒ.പി ഉദ്യോഗസ്​ഥൻ പറഞ്ഞു. കാലാവധി കഴിഞ്ഞ വിസ സമയത്തിന്​ പുതുക്കാത്ത പക്ഷം പിഴ നൽകണം. ലേബർ കാർഡ്​ പുതുക്കാത്തതിന്​ പത്ത്​ റിയാലാണ്​ പിഴ. എമിഗ്രേഷൻ ഫൈനായി 20 റിയാലുമാണ്​ ഇൗടാക്കുന്നത്​. ലേബർകാർഡ്​ പുതുക്കാൻ വൈകിയാൽ ഒരു മാസത്തിന്​ 22.500 റിയാൽ എന്ന തോതിലാണ്​ പിഴ അടക്കേണ്ടി വരുക. കാലാവധി കഴിഞ്ഞ്​ ഒരു ദിവസം പിന്നിട്ടാൽ പോലും ഇൗ തുക അടക്കേണ്ടി വരും. ഇതിൽ 12.5 റിയാൽ ലേബർ കാർഡി​​​​​െൻറ ഒരു മാസത്തെ ഫീസും പത്ത്​ റിയാൽ പിഴയുമാണ്​.മാർച്ചിൽ വിമാനത്താവളം അടക്കുന്നതിന്​ മുമ്പ്​ സന്ദർശക വിസയുടെ കാലാവധി കഴിഞ്ഞ വിദേശികൾ ആ കാലയളവിലെ പിഴ അടക്കേണ്ടിവരുമെന്ന്​ എമിഗ്രേഷൻ വിഭാഗത്തിലെ വക്​താവ്​ അറിയിച്ചു. ഇവർക്ക്​ മഹാമാരിയുടെ കാലയളവിൽ പിഴ ഉണ്ടായിരിക്കുന്നതല്ല.