LiveTV

Live

Oman

ഒമാനിലെ മുവാസലാത്ത് എയർപോർട്ട് ടാക്സി നിരക്കുകൾ കുറക്കുന്നു

മുവാസലാത്തിന്‍റെ ടാക്സി സർവീസിന് സ്വീകാര്യത വർധിക്കുന്നുണ്ട്. ദിവസവും 600 ട്രിപ്പുകളാണ് നടത്തുന്നത്

ഒമാനിലെ മുവാസലാത്ത് എയർപോർട്ട് ടാക്സി നിരക്കുകൾ കുറക്കുന്നു

ഒമാനിലെ മുവാസലാത്ത് എയർപോർട്ട് ടാക്സി നിരക്കുകൾ കുറക്കുന്നു. പുതിയ നിരക്കുകൾ പുതുവർഷാരംഭം മുതൽ നിലവിൽ വരുമെന്ന് കമ്പനി അധികൃതർ പറഞ്ഞു. പൊതുജനങ്ങളുടെ ആവശ്യവും നിർദേശങ്ങളും പരിഗണിച്ചാണ് നിരക്ക് കുറക്കുന്നതെന്നും അധികൃതർ അറിയിച്ചു.

രണ്ട് തരം നിരക്കുകളാണ് മുവാസലാത്ത് ടാക്സികൾ ഈടാക്കുക. പ്രവൃത്തി ദിവസങ്ങളിലും ഒഴിവ് ദിവസങ്ങളിലും വ്യത്യസ്ത നിരക്കുകളാണ് നിശ്ചയിച്ചിരിക്കുന്നത്. ഞായർ മുതൽ വ്യാഴം വരെയുള്ള ദിവസങ്ങളില്‍ രാവിലെ ആറ് മുതൽ രാത്രി പത്ത് വരെ കുറഞ്ഞ നിരക്ക് രണ്ടര റിയാലായിരിക്കും. പിന്നീട് ഓരോ കിലോമീറ്ററിനും 300 ബൈസ അധികം നൽകണം. വെള്ളി, ശനി ദിവസങ്ങളിൽ രാത്രി പത്ത് മുതൽ രാവിലെ ആറ് വരെ മൂന്ന് റിയാലായിരിക്കും ചുരുങ്ങിയ നിരക്ക്. ആദ്യത്തെ ഒരു കിലോമീറ്ററിന് ശേഷമുള്ള ഓരോ കിലോമീറ്റിറിനും 300 ബൈസ വീതം നൽകണം.

ഒമാനിലെ മുവാസലാത്ത് എയർപോർട്ട് ടാക്സി നിരക്കുകൾ കുറക്കുന്നു

മുവാസലാത്തിന്‍റെ ടാക്സി സർവീസിന് സ്വീകാര്യത വർധിക്കുന്നുണ്ട്. ദിവസവും 600 ട്രിപ്പുകളാണ് നടത്തുന്നത്. ഒമാനിൽ മീറ്റർ ടാക്സികൾ ഉയർന്ന നിരക്കുകളാണ് ഈടാക്കുന്നത്. മുവാസലാത്തിന് പുറമെ മറ്റു ടാക്സി കമ്പനികളുടെയും നിരക്ക് ഉയർന്നതാണ്. അതിനാൽ യാത്രക്കാർ പൊതുവെ മീറ്ററില്ലാത്ത സാധാരണ ടാക്സികൾക്കാണ് മുൻഗണന നൽകുന്നത്.