Top

മഹാരാഷ്ട്ര മാതൃകയിൽ ബി.ജെ.പിക്കെതിരെ രാജ്യം ഒന്നിക്കണമെന്ന്​ ശിവസേന

''മഹാരാഷ്ട്രയിൽ പ്രത്യയശാസ്ത്രപരമായി മൂന്ന് വ്യത്യസ്ത ധ്രുവങ്ങളിലുള്ള പാർട്ടികൾ ചേർന്നാണ്​ സർക്കാർ രൂപവത്​കരിച്ചത്​''

MediaOne Logo

Web Desk

  • Published:

    2 April 2021 4:28 PM GMT

  • Updated:

    2021-04-02 16:28:58.0

മഹാരാഷ്ട്ര മാതൃകയിൽ  ബി.ജെ.പിക്കെതിരെ രാജ്യം ഒന്നിക്കണമെന്ന്​ ശിവസേന
X

ബി.ജെ.പിക്കെതിരെ രാജ്യത്തെ പ്രതിപക്ഷ കക്ഷികൾ മഹാരാഷ്ട്ര മാതൃകയിൽ ഒന്നിക്കണമെന്ന്​ ശിവസേന നേതാവ്​ സഞ്​ജയ്​ റാവത്ത്​. മഹാരാഷ്ട്രയിൽ പ്രത്യയശാസ്ത്രപരമായി മൂന്ന് വ്യത്യസ്ത ധ്രുവങ്ങളിലുള്ള പാർട്ടികൾ ചേർന്നാണ്​ മഹാ വികാസ് അഘാഡി (എം.വി.എ) സർക്കാർ രൂപവത്​കരിച്ചത്​. കഴിഞ്ഞ ഒന്നര വർഷമായി ഭരണത്തിലുള്ള ഈ സർക്കാർ രാജ്യത്തെ ബി.ജെ.പിയെ എതിർക്കുന്ന പാർട്ടികൾക്ക് പുതുവഴി തുറന്നുതന്നുവെന്നും സഞ്ജയ്​ റാവത്ത് പറഞ്ഞു.

ഈ പരീക്ഷണം യു.പി.എയുടെ നേതൃത്വത്തിൽ ദേശീയ തലത്തിൽ അനുകരിക്കണം. പശ്ചിമ ബംഗാൾ മുഖ്യമന്ത്രി മമത ബാനർജി രാജ്യത്തെ 27 പ്രതിപക്ഷ നേതാക്കൾക്ക് അയച്ച കത്ത്​ ഇതിന്‍റെ ആവശ്യകത ചൂണ്ടിക്കാട്ടുന്നതായും സഞ്​ജയ്​ വ്യക്തമാക്കി. എല്ലാ പ്രതിപക്ഷ പാർട്ടികളും ഒത്തുചേർന്ന് പുതിയ രാഷ്ട്രീയ സഖ്യം ആവിഷ്‌കരിക്കണം. 1975ന്​ ശേഷം ജയപ്രകാശ് നാരായണൻ എല്ലാ പ്രതിപക്ഷ പാർട്ടികളെയും ഒരുമിപ്പിച്ചു. നിർഭാഗ്യവശാൽ, ഇന്ന് അത്തരമൊരു നേതാവ് ഇല്ലെന്നും അദ്ദേഹം പറഞ്ഞു.

മീഡിയവൺ വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക

TAGS :
Next Story