Top

'പോരാട്ടം ബി.ജെ.പിക്കെതിരെ, ഒന്നിച്ചു നില്‍ക്കുക' സോണിയ ഗാന്ധിക്ക് മമതയുടെ കത്ത്

സോണിയ ഗാന്ധി അടക്കമുള്ള പത്ത് പ്രതിപക്ഷ കക്ഷി നേതാക്കള്‍ക്കാണ് മമത ബാനര്‍ജി കത്തയച്ചിരിക്കുന്നത്.

MediaOne Logo

Web Desk

Web Desk

  • Updated:

    2021-03-31 12:17:39.0

Published:

31 March 2021 12:17 PM GMT

പോരാട്ടം ബി.ജെ.പിക്കെതിരെ, ഒന്നിച്ചു നില്‍ക്കുക സോണിയ ഗാന്ധിക്ക് മമതയുടെ കത്ത്
X

ബി.ജെ.പിക്കെതിരായ പോരാട്ടത്തില്‍ ഒരുമിച്ച് നില്‍ക്കാന്‍ അഭ്യര്‍ഥിച്ചുകൊണ്ട് മുഖ്യപ്രതിപക്ഷ നേതാക്കള്‍ക്ക് ബംഗാള്‍ മുഖ്യമന്ത്രി മമത ബാനര്‍ജിയുടെ കത്ത്. സോണിയ ഗാന്ധി അടക്കമുള്ള പത്ത് പ്രതിപക്ഷ കക്ഷി നേതാക്കള്‍ക്കാണ് മമത ബാനര്‍ജി കത്തയച്ചിരിക്കുന്നത്. ജനാധിപത്യത്തിന്​ നേരെ ബി.ജെ.പി നടത്തിക്കൊണ്ടിരിക്കുന്ന ആക്രമണങ്ങളെ ഒരുമിച്ച് നേരിടാനും സമരമുഖത്തിറങ്ങാൻ സമയമായെന്നും​ ചൂണ്ടിക്കാട്ടിയാണ് മമതയുടെ കത്ത്.

സോണിയ ഗാന്ധിക്ക്​ പുറമെ ശരദ്​ പവാർ, എം.കെ. സ്റ്റാലിൻ, തേജസ്വി യാദവ്​, ഉദ്ധവ്​ താക്കറെ, അരവിന്ദ്​ കെജ്​രിവാൾ, നവീൻ പട്​നായിക്​ തുടങ്ങിയവർക്കാണ്​ മമത കത്തയച്ചിരിക്കുന്നത്​.

ബി.ജെ.പി നടത്തുന്ന അക്രമണങ്ങള്‍ ജനാധിപത്യവിരുദ്ധവും ഭരണഘടനക്കെതിരുമാണെന്ന് ചൂണ്ടിക്കാട്ടുന്ന കത്തില്‍ ഏഴു നിര്‍ദേശങ്ങളും മമത കുറിക്കുന്നുണ്ട്. ബി.ജെ.പിക്ക്​ പകരം വിശ്വാസയോഗ്യമായ ഒരു ബദലിനെ രാജ്യത്തെ ജനങ്ങൾക്ക്​ മുമ്പാകെ മുന്നോട്ടുവെക്കണം എന്നതാണ്​ കത്തിലെ പ്രധാന ഉള്ളടക്കം. നിയമസഭാ തെരഞ്ഞെടുപ്പുകൾക്ക്​ ശേഷം പ്രതിപക്ഷ കക്ഷികൾ ഇതിനായി ഒന്നിക്കണമെന്നും മമത എഴുതുന്നു.

ഡൽഹിയിൽ ലഫ്റ്റനന്‍റ് ഗവർണർക്ക്​ കൂടുതൽ അധികാരങ്ങൾ നൽകി പാസാക്കിയ വിവാദ നിയമവും മമത കത്തില്‍ ചൂണ്ടിക്കാട്ടുന്നു. ജനാധിപത്യത്തിനും കോർപറേറ്റിവ്​ ഫെഡറലിസത്തിനും നേരെയുള്ള ബി.ജെ.പിയുടെ കടന്നുകയറ്റങ്ങളെ ചെറുക്കേണ്ടത് അത്യാവശ്യമാണെന്ന് മമത കത്തിൽ വിശദീകരിക്കുന്നു​. സംസ്​ഥാന സർക്കാരു​കളുടെ അധികാരത്തിൽ വെള്ളം ചേർക്കാൻ തയ്യാറാകുന്ന ബി.ജെ.പി, പ്രദേശിക സർക്കാരുകളെ തരംതാഴ്​ത്താനാണ്​ ശ്രമിക്കുന്നതെന്നും ചൂണ്ടിക്കാട്ടി.​

സ്വേച്​ഛാധിപത്യത്തിലേക്ക്​ രാജ്യത്തെ നയിക്കാനാണ്​ ബി.ജെ.പി ശ്രമിക്കുന്നതെന്ന് വ്യക്​തമാക്കിയ മമത ബി.ജെ.പിക്കെതിരെ അനിവാര്യമായ പോരാട്ടത്തിൽ സമാനമനസ്​കരായ എല്ലാ പാർട്ടികളുമായും ഒന്നിച്ചു പ്രവർത്തിക്കാൻ തയാറാണെന്നും കത്തിലൂടെ വ്യക്തമാക്കി.

മീഡിയവൺ വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക

TAGS :
Next Story