LiveTV

Live

National

രാജ്യത്ത് കോവിഡ് കേസുകളിൽ വൻ വർധന; 62,714 പേർക്ക് പുതുതായി രോഗം

പുതുതായി രോഗം സ്​ഥിരീകരിക്കുന്നവരുടെ എണ്ണം ഉയർന്നതോടെ രാജ്യത്ത്​ കോവിഡ്​ ബാധിച്ചവരുടെ എണ്ണം 1.13 കോടി കടന്നു

രാജ്യത്ത് കോവിഡ് കേസുകളിൽ വൻ വർധന; 62,714 പേർക്ക് പുതുതായി രോഗം

രാജ്യത്ത്​ കോവിഡ് കേസുകൾ ഉയരുന്നു​. 24 മണിക്കൂറിനിടെ 62,714 പേർക്കാണ്​ പുതുതായി രോഗം സ്​ഥിരീകരിച്ചത്​. തുടർച്ചയായ 18ാമത്തെ ദിവസമാണ്​ രാജ്യത്തെ ​കോവിഡ്​ ബാധിതരുടെ എണ്ണം കുത്തനെ ഉയരുന്നതെന്നും ആരോഗ്യമന്ത്രാലയം അറിയിച്ചു.

24 മണിക്കൂറിനിടെ 312 മരണവും രാജ്യത്ത്​ സ്​ഥിരീകരിച്ചു. മൂന്നുമാസത്തെ ഏറ്റവും ഉയർന്ന കണക്കാണിത്​. ഇതോടെ കോവിഡ്​ ബാധിച്ച്​ രാജ്യത്ത്​ മരിച്ചവരുടെ എണ്ണം 1,61,552 ആയതായും ആരോഗ്യമന്ത്രാലയം വ്യക്തമാക്കി. 4,86,310 പേരാണ്​ ചികിത്സയിലുള്ളത്​.

ഒക്​ടോബർ 16ന്​ 63,371 കേസുകൾ റിപ്പോർട്ട്​ ചെയ്​തതിന്​ ശേഷം 62,000 ത്തിൽ അധികം കോവിഡ്​ കേസുകൾ സ്​ഥിരീകരിക്കുന്നത്​ ശനിയാഴ്ചയാണ്​. പുതുതായി രോഗം സ്​ഥിരീകരിക്കുന്നവരുടെ എണ്ണം ഉയർന്നതോടെ രാജ്യത്ത്​ കോവിഡ്​ ബാധിച്ചവരുടെ എണ്ണം 1.13 കോടി കടന്നു.

94.58 ശതമാനമാണ്​ രോഗമുക്തി നിരക്ക്​. മരണനിരക്ക്​ 1.35 ശതമാനവും. രോഗബാധിതരുടെ എണ്ണം കുത്തനെ ഉയർന്ന സാഹചര്യത്തിൽ മഹാരാഷ്​ട്രയിലും മറ്റു ഉത്തരേ​ന്ത്യൻ സംസ്​ഥാനങ്ങളിലും കർശന നിയന്ത്രണം ഏർപ്പെടുത്തി. 24 മണിക്കൂറിനിടെ 36,000 കേസുകളാണ്​ മഹാരാഷ്​ട്രയിൽ മാത്രം റിപ്പോർട്ട്​ ചെയ്​തത്​. മഹാരാഷ്​ട്രക്ക്​ പുറമെ കർണാടക, ഛത്തീസ്​ഗഡ്​, പഞ്ചാബ്​, ഗുജറാത്ത്​ സംസ്​ഥാനങ്ങളിലാണ്​ ഏറ്റവും കൂടുതൽ കോവിഡ്​ ബാധിതർ.