LiveTV

Live

National

രാജസ്ഥാനില്‍ സൈനിക വാഹനം മറിഞ്ഞ് മൂന്നു മരണം

വാഹനം മറിഞ്ഞതോടെ തീപിടിച്ചതാണ് അപകടത്തിന്‍റെ വ്യാപ്തി വർധിക്കാൻ കാരണം.

രാജസ്ഥാനില്‍ സൈനിക വാഹനം മറിഞ്ഞ് മൂന്നു മരണം

രാജസ്ഥാനില്‍ വാഹനാപകടത്തില്‍ മൂന്ന് സൈനികര്‍ മരിച്ചു. ഗംഗാനഗര്‍ ജില്ലയിലെ രാജിയസർ പ്രദേശത്ത് വ്യാ​ഴാഴ്ച രാവിലെയാണ് സൈനിക വാഹനം മറിഞ്ഞ്​ അപകടമുണ്ടായത്. സംഭവത്തില്‍ അഞ്ചുപേര്‍ക്ക് പരിക്കേല്‍ക്കുകയും ചെയ്തു. ഇവരെ ആശുപത്രിയില്‍ പ്രവേശിപ്പിച്ചു.

വാഹനം മറിഞ്ഞതോടെ തീപിടിച്ചതാണ്​ അപകടത്തിന്‍റെ വ്യാപ്​തി വർധിക്കാൻ കാരണം. അഞ്ചുസൈനികര്‍ ഉടൻ തന്നെ വാഹനത്തിൽ നിന്ന്​ പുറത്തുകടന്നു. വാഹനത്തിനുള്ളിൽ കുടുങ്ങിയ മൂന്നുപേരാണ്​ മരിച്ചതെന്ന് സ്​റ്റേഷൻ ഹൗസ്​ ഓഫീസർ വിക്രം തിവാരി അറിയിച്ചു.