Top

ബലാത്സംഗത്തിന് ശ്രമിച്ച പുരുഷന്‍റെ ജനനേന്ദ്രിയം ​​മുറിച്ചെടുത്ത് യുവതി

മധ്യപ്രദേശിലെ ഉമരിഹ ഗ്രാമത്തിൽ വെള്ളിയാഴ്ച രാത്രി 11 മണിയോടെയാണ് സംഭവം നടന്നത്

MediaOne Logo

Web Desk

Web Desk

  • Updated:

    2021-03-20 11:10:44.0

Published:

20 March 2021 11:10 AM GMT

ബലാത്സംഗത്തിന് ശ്രമിച്ച പുരുഷന്‍റെ ജനനേന്ദ്രിയം ​​മുറിച്ചെടുത്ത് യുവതി
X

മധ്യപ്രദേശിലെ സിദ്ധി ജില്ലയിൽ വീട്ടിൽ അതിക്രമിച്ചുകയറി ബലാത്സംഗത്തിന്​ ശ്രമിച്ചയാളുടെ ജനനേന്ദ്രിയം മുറിച്ചെടുത്ത്​ യുവതി. വെള്ളിയാഴ്ച രാത്രി 11 മണിയോടെ ഉമരിഹ ഗ്രാമത്തിലാണ് സംഭവം നടന്നത്.

ഭർത്താവ്​ ജോലിക്ക് പോയ സമയത്ത്​ 13കാരനായ മകനും യുവതിയുമാണ്​ വീട്ടിലുണ്ടായിരുന്നത്​. കവർച്ചക്കാരൻ​ കയറിയെന്ന്​ ഭയന്ന്​ മകൻ പുറത്തേക്ക്​ ഓടി രക്ഷപ്പെട്ടു. ഈ സമയത്ത്​ പ്രതി യുവതിയെ മർദിക്കുകയും ലൈംഗികമായി പീഡിപ്പിക്കാൻ ശ്രമിക്കുകയുമായിരുന്നുവെന്ന് സബ് ഇൻസ്പെക്ടർ ധർമേന്ദ്ര സിംഗ് രജ്പുത് പറഞ്ഞു.

അതിനിടെ, കട്ടിലിൽ കരുതിവെച്ച കത്തിയെടുത്ത്​ യുവതി അക്രമിയുടെ ജനനേന്ദ്രിയം ഛേദിച്ചു. തുടർന്ന്​ പൊലീസ്​ സ്റ്റേഷനിലെത്തി പരാതിയും നൽകി. സംഭവ സ്ഥലത്തെത്തിയ പൊലീസ്​ ഇയാളെ ആശുപത്രിയിലെത്തിച്ച്​ പ്രാഥമിക പരിശോധനക്കു ശേഷം സിദ്ധി ജില്ലാ ആശുപത്രിയിലേക്കും പിന്നീട്​ സഞ്​ജയ്​ ഗാന്ധി മെഡിക്കൽ കോളജിലേക്കും മാറ്റി.

പ്രതിക്കെതിരെ ബലാത്സംഗ ശ്രമത്തിന്​ കേസ്​ എടുത്തു. യുവതിക്കെതിരെ പ്രതിയും പരാതി നൽകിയിട്ടുണ്ടെന്ന് പോലീസ് പറഞ്ഞു.

മീഡിയവൺ വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക

TAGS :
Next Story