​പത​ഞ്ജ​ലി​യു​ടെ കോ​വി​ഡ് മ​രു​ന്നിന് 'ശാസ്ത്രീയ തെളിവു'കളുമായി ബാ​ബാ രാം​ദേ​വ്

​പത​ഞ്ജ​ലി​യു​ടെ കോ​വി​ഡി​നു​ള്ള മ​രു​ന്ന് 'കൊ​റോ​ണി​'ലിന് ശാസ്ത്രീയ തെളിവുകളുമായി ബാ​ബാ രാം ​ദേ​വ്. കേ​ന്ദ്ര ആ​രോ​ഗ്യ മ​ന്ത്രി ഹ‍​ർ​ഷ​വ​ർ​ധ​നും കേ​ന്ദ്ര​മ​ന്ത്രി നി​തി​ൻ ഗ​ഡ്ക​രി​യും പ​ങ്കെ​ടു​ത്ത ച​ട​ങ്ങി​ലാ​ണ് തെ​ളി​വ് പു​റ​ത്തു​വി​ട്ട​ത്. കൊ​റോ​ണി​ൽ ക​ഴി​ച്ച് രോ​ഗം ഭേ​ദ​മാ​യെ​ന്നും രാം​ദേ​വ് അ​വ​കാ​ശ​പ്പെ​ട്ടു.

“ഞങ്ങളുടെ കോവിഡ് -19 ഇമ്മ്യൂണിറ്റി ബൂസ്റ്ററുകൾ ആയുർവേദ സസ്യങ്ങളായ ഗിലോയ്, തുളസി, അശ്വഗന്ധ എന്നിവ അടങ്ങിയിട്ടുള്ളതാണ്. കൊറോണ വൈറസ് ബാധിതരുടെ ചികിത്സയിൽ ഫലപ്രദമാണ് ഇവ" , രാംദേവ് പറഞ്ഞു.

രാംദേവിന്റെ 'പതഞ്ജലി ആയുർവേദ്' എന്ന കമ്പനി കോവിഡിനെതിരെ മരുന്ന് കണ്ടെത്തിയെന്ന വാദവുമായി മുമ്പും രം​ഗത്തെത്തിയിട്ടുണ്ട്. 'കൊറോണിൽ', 'സ്വാസരി' എന്നിങ്ങനെ രണ്ട് മരുന്നുകളുടെ പാക്കേജ് ആയി 'ദിവ്യ കൊറോണ' എന്ന പേരിലുള്ള കിറ്റ് വിപണിയിൽ എത്തിക്കാനായിരുന്നു കമ്പനിയുടെ തീരുമാനം. രോഗം ഭേദപ്പെടുത്താനുള്ള മരുന്ന് തങ്ങളുടെ പക്കലുണ്ടെന്ന് കാണിച്ച് പരസ്യം നൽകുകയും ചെയ്തിരുന്നു. കോവിഡ് വാക്സിൻ കണ്ടെത്തിയെന്ന അവകാശവാദവുമായി ബാബാ രാംദേവ് എത്തിയിരുന്നെങ്കിലും ഇതിനെതിരെ ആരോ​ഗ്യ വിദ​ഗ്ധർ പ്രതികരിച്ചതോടെ വിഷയത്തിൽ കേന്ദ്രസർക്കാർ ഇടപെട്ടു.

കോ​വി​ഡി​ന് മ​രു​ന്നു ക​ണ്ടു​പി​ടി​ച്ചെ​ന്ന പേ​രി​ല്‍ പ്ര​ച​ര​ണം ന​ട​ത്തി ലാ​ഭം കൊ​യ്ത​തി​ന് പ​ത​ഞ്ജ​ലി​ക്ക് പ​ത്ത് ല​ക്ഷം രൂ​പ പി​ഴ മ​ദ്രാ​സ് ഹൈ​ക്കോ​ട​തി നേ​ര​ത്തെ വി​ധി​ച്ചി​രു​ന്നു. എ​ന്നാ​ൽ മ​രു​ന്നി​ന്‍റെ ലൈ​സ​ൻ​സി​നാ​യി ഉ​ത്ത​രാ​ഖ​ണ്ഡ് സ​ർ​ക്കാ​രി​ന് ന​ൽ​കി​യ അ​പേ​ക്ഷ​യി​ൽ പ​നി, ചു​മ എ​ന്നീ രോ​ഗ​ങ്ങ​ള്‍​ക്കും പ്ര​തി​രോ​ധ ശ​ക്തി വ​ര്‍​ധി​പ്പി​ക്കാ​നു​മാ​ണ് മ​രു​ന്ന് എ​ന്നാ​യി​രു​ന്നു വ്യ​ക്ത​മാ​ക്കി​യി​രു​ന്ന​ത്.

മീഡിയവൺ വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക