ആ വിപ്പ് എന്തിനായിരിക്കും? 8-12 തിയ്യതികളിൽ രാജ്യസഭയിൽ വേണമെന്ന് ബിജെപി
'വളരെ പ്രധാനപ്പെട്ട' കാര്യങ്ങളിൽ ചർച്ചയും നിയമനിർമാണവും നടക്കാനുണ്ട് എന്നാണ് വിപ്പിൽ പറയുന്നത്
ന്യൂഡൽഹി: ഫെബ്രുവരി എട്ടു മുതൽ 12 വരെയുള്ള തിയ്യതികളിൽ രാജ്യസഭയിൽ നിർബന്ധമായും ഹാജരായിരിക്കണമെന്ന് എംപിമാരോട് ബിജെപി. ഇതു സംബന്ധിച്ച് മൂന്നു വരിയുള്ള വിപ്പ് ബിജെപി അംഗങ്ങൾക്ക് നൽകി. 'വളരെ പ്രധാനപ്പെട്ട' കാര്യങ്ങളിൽ ചർച്ചയും നിയമനിർമാണവും നടക്കാനുണ്ട് എന്നാണ് വിപ്പിൽ പറയുന്നത്.
പാർലമെന്റ് പാസാക്കിയ കാർഷിക നിയമങ്ങൾക്കെതിരെ ഡൽഹിയിൽ വൻ കർഷക പ്രതിഷേധം നടന്നു കൊണ്ടിരിക്കുന്ന വേളയിലാണ് ബിജെപി വിപ്പ്. പ്രതിപക്ഷ ആവശ്യം അംഗീകരിച്ച് 15 മണിക്കൂർ പാർലമെന്റിൽ കർഷകരുടെ പ്രശ്‌നങ്ങൾ ചർച്ച ചെയ്യാൻ കേന്ദ്രം തീരുമാനിച്ചിട്ടുമുണ്ട്. കോവിഡ് പ്രോട്ടോക്കോൾ പ്രകാരം ദിവസം അഞ്ചു മണിക്കൂറാണ് രാജ്യസഭ ചേരുന്നത്.
അതിനിടെ, പ്രധാനമന്ത്രി നരേന്ദ്രമോദി തിങ്കളാഴ്ച പാർലമെന്റിനെ അഭിസംബോധന ചെയ്യും. പ്രസംഗം ബഹിഷ്‌കരിക്കാൻ പ്രതിപക്ഷം ആലോചിക്കുന്നുണ്ട്.
Kerala
എസ്.ഡി.പി.ഐ-ആര്‍.എസ്.എസ് സംഘര്‍ഷം; ആലപ്പുഴ വയലാറില്‍ ആര്‍.എസ്.എസ് പ്രവര്‍ത്തകന്‍ കൊല്ലപ്പെട്ടു
Sports
അഹമ്മദാബാദ് ടെസ്റ്റ്; ആദ്യ ദിനം സ്വന്തമാക്കി ഇന്ത്യ
National
തട്ടിക്കൊണ്ടുപോയെന്ന് വ്യാജ പരാതി ഉന്നയിച്ച വിദ്യാര്‍ഥിനി മരിച്ച നിലയില്‍
National