LiveTV

Live

National

ഒരു മരണം, 140 പേർ ആശുപത്രിയില്‍; അസം മുഖ്യമന്ത്രി പങ്കെടുത്ത ചടങ്ങില്‍ ഭക്ഷ്യ വിഷബാധയെന്ന് സംശയം

മുഖ്യമന്ത്രി സർബാനന്ദ സോനോവാളും ആരോഗ്യമന്ത്രി ഹിമന്ദ ബിശ്വ ശർമയും പ​ങ്കെടുത്ത ചടങ്ങിനെത്തിയവര്‍ക്കാണ് ആരോഗ്യപ്രശ്നങ്ങള്‍ ഉണ്ടായത്.

ഒരു മരണം, 140 പേർ ആശുപത്രിയില്‍; അസം മുഖ്യമന്ത്രി പങ്കെടുത്ത ചടങ്ങില്‍ ഭക്ഷ്യ വിഷബാധയെന്ന് സംശയം

അസമിൽ മുഖ്യമന്ത്രി പങ്കെടുത്ത ചടങ്ങിനെത്തിയ 140ൽപരം ആളുകളെ ദേഹാസ്വാസ്ഥ്യം അനുഭവപ്പെട്ടതിനെ തുടർന്ന്​ ആശുപത്രിയിൽ പ്രവേശിപ്പിച്ചു. ഒരു മരണവും റിപ്പോര്‍ട്ട് ചെയ്തു. മുഖ്യമന്ത്രി സർബാനന്ദ സോനോവാളും ആരോഗ്യമന്ത്രി ഹിമന്ദ ബിശ്വ ശർമയും പ​ങ്കെടുത്ത ചടങ്ങിനെത്തിയവര്‍ക്കാണ് ആരോഗ്യപ്രശ്നങ്ങള്‍ ഉണ്ടായത്. ചടങ്ങില്‍ പങ്കെടുത്ത കങ്​ബുറാ ദേ എന്ന യുവാവ് ചൊവ്വാഴ്​ച രാത്രിയോടെ​ മരണപ്പെട്ടു​. ഭക്ഷ്യ വിഷബാധയാണെന്നാണ് പ്രാഥമിക നിഗമനം​.

കർബി അംഗ്ലോങ്​ ജില്ലയിലെ ദിഫു മെഡിക്കൽ കോളേജ്​ ആശുപത്രിയിൽ ചൊവ്വാഴ്​ച ആദ്യ അക്കാദമിക സെഷന്‍റെ ഉല്‍ഘാടന ചടങ്ങിനെത്തിയവർക്ക്​ വിതരണം ചെയ്​ത ഭക്ഷണം കഴിച്ചവർക്കാണ്​ ദേഹാസ്വാസ്ഥ്യം അനുഭവപ്പെട്ടത്​.
ഭക്ഷ്യവിഷബാധയുടെ ലക്ഷണങ്ങളായ വയറുവേദനയും ഛർദിയും അനുഭവപ്പെട്ടതിനെത്തുടർന്ന്​ 145ഓളം ആളുകളെ ദിഫു​ സിവിൽ ആശുപത്രിയിൽ പ്രവേശിപ്പിച്ചു. ഇതിൽ പിന്നീട്​ 28 പേർ ആശുപത്രി വിട്ടു. സംഭവത്തിൽ കർബി ജില്ല ഭരണകൂടം അന്വേഷണത്തിന്​ ഉത്തരവിട്ടിട്ടുണ്ട്​.