LiveTV

Live

National

ഉവൈസി ബീഹാറില്‍ സഹായിച്ചു, യു.പിയിലും ബംഗാളിലും സഹായിക്കുമെന്ന് സാക്ഷി മഹാരാജ്

ബം​ഗാ​ളി​ലെ 110 നി​യ​മ​സ​ഭ സീ​റ്റു​ക​ളു​ടെ വി​ധി നി​ർ​ണ​യി​ക്കു​ന്ന​തി​ൽ മു​സ്​​ലിം സ​മു​ദാ​യം നി​ർ​ണാ​യ​ക ഘ​ട​കമാണ്

ഉവൈസി ബീഹാറില്‍ സഹായിച്ചു, യു.പിയിലും ബംഗാളിലും സഹായിക്കുമെന്ന് സാക്ഷി മഹാരാജ്

ബിഹാര്‍ നിയമസഭാ തെരഞ്ഞെടുപ്പില്‍ ഓള്‍ ഇന്ത്യ മ​ജ്​​ലി​സെ ഇ​ത്തി​ഹാ​ദു​ൽ മു​സ്​​ലി​മീ​ൻ (എ.ഐ.എം.ഐ.എം) അസദുദ്ദിൻ ഉവൈസി ബി.ജെ.പിയെ ജയം നേടാന്‍ സഹായിച്ചെന്ന് പാര്‍ട്ടി എംപി സാക്ഷി മഹാരാജ്. ബംഗാളിലും ഉത്തര്‍ പ്രദേശിലും സമാനമായ വിധത്തില്‍ ഉവൈസി ബി.ജെ.പിയെ സഹായിക്കുമെന്ന് സാക്ഷിമഹാരാജ് പറഞ്ഞു.

'' ബിഹാറില്‍ അദ്ദേഹം നമ്മളെ സഹായിച്ചു. ദൈവത്തിന്റെ അനുഗ്രഹമാണത്. ദൈവം അദ്ദേഹത്തിന് കൂടുതല്‍ ശക്തി നല്‍കട്ടെ. . യു.പി പഞ്ചായത്ത് തെരഞ്ഞെടുപ്പിലും നിയമസഭാ തെരഞ്ഞെടുപ്പിലും അദ്ദേഹം സഹായിക്കും. ബംഗാളിലും അദ്ദേഹത്തിന്റെ സഹായമുണ്ടാവും'' സാക്ഷി മഹാരാജ് പറഞ്ഞു.

ബം​ഗാ​ൾ നി​യ​മ​സ​ഭ തെ​ര​ഞ്ഞെ​ടു​പ്പി​ന്​ മാ​സ​ങ്ങ​ൾ മാ​ത്രം ശേ​ഷി​ക്കെ മ​ജ്​​ലി​സെ ഇ​ത്തി​ഹാ​ദു​ൽ മു​സ്​​ലി​മീ​ൻ നേ​താ​വ്​ അ​സ​ദു​ദ്ദീ​ൻ ഉ​വൈ​സി ബം​ഗാ​ള്‍ സന്ദര്‍ശിച്ചിരുന്നു. ഹൂ​ഗ്ലി ഫു​ർ​ഫു​റ ശ​രീ​ഫി​ലെ​ത്തി​യ അ​ദ്ദേ​ഹം മ​ത​നേ​താ​വാ​യ അ​ബ്ബാ​സ്​ സി​ദ്ദീ​ഖി​യു​മാ​യി ച​ർ​ച്ച ന​ട​ത്തി. ബി​ഹാ​ർ നി​യ​മ​സ​ഭ തെ​ര​ഞ്ഞെ​ടു​പ്പി​ൽ അ​ഞ്ച്​ സീ​റ്റു​ക​ളി​ൽ വി​ജ​യി​ച്ച​തോ​ടെ ബം​ഗാ​ളി​ലും എ.​ഐ.​എം.​ഐ.​എം മ​ത്സ​രി​ക്കു​മെ​ന്ന്​ ഉ​വൈ​സി വ്യ​ക്ത​മാ​ക്കി​യി​രു​ന്നു.

ബം​ഗാ​ളി​ലെ 110 നി​യ​മ​സ​ഭ സീ​റ്റു​ക​ളു​ടെ വി​ധി നി​ർ​ണ​യി​ക്കു​ന്ന​തി​ൽ മു​സ്​​ലിം സ​മു​ദാ​യം നി​ർ​ണാ​യ​ക ഘ​ട​കമാണ്​. ഈ ​മ​ണ്ഡ​ല​ങ്ങ​ളി​ൽ ശ്ര​ദ്ധ കേ​ന്ദ്രീ​ക​രി​ക്കാ​നാ​ണ്​ ഉ​വൈ​സി​യു​ടെ തീ​രു​മാ​നം. ഉ​വൈ​സി​യു​ടെ സ​ന്ദ​ർ​ശ​ന​ത്തോ​ട്​ തൃ​ണ​മൂ​ൽ കോ​ൺ​ഗ്ര​സ്​ രൂ​ക്ഷ​മാ​യാ​ണ്​ പ്ര​തി​ക​രി​ച്ച​ത്.