LiveTV

Live

National

ഡല്‍ഹിയില്‍ അതിശൈത്യം: ശീതക്കാറ്റ് രണ്ട് ദിവസം കൂടി നീളുമെന്ന് കാലാവസ്ഥ നിരീക്ഷണ കേന്ദ്രം

അതിർത്തിയില്‍ സമരം തുടരുന്ന കർഷകർക്കിടയില്‍ അതിശൈത്യത്തെ തുടർന്നുള്ള മരണങ്ങള്‍ തുടർച്ചയായി റിപ്പോർട്ട് ചെയ്യുന്നുണ്ട്.

ഡല്‍ഹിയില്‍ അതിശൈത്യം: ശീതക്കാറ്റ് രണ്ട് ദിവസം കൂടി നീളുമെന്ന് കാലാവസ്ഥ നിരീക്ഷണ കേന്ദ്രം

ഡല്‍ഹിയിലും സമീപ സംസ്ഥാനങ്ങളിലും അതിശൈത്യം. ഇന്നലെ ആരംഭിച്ച ശീതക്കാറ്റ് രണ്ട് ദിവസം കൂടി നീളുമെന്ന് കാലാവസ്ഥ നിരീക്ഷണ കേന്ദ്രം. അതിർത്തിയില്‍ സമരം തുടരുന്ന കർഷകർക്കിടയില്‍ അതിശൈത്യത്തെ തുടർന്നുള്ള മരണങ്ങള്‍ തുടർച്ചയായി റിപ്പോർട്ട് ചെയ്യുന്നുണ്ട്.

ഡല്‍ഹി അതിർത്തിയില്‍ സമരാന്തരീക്ഷത്തിന് ചൂടേറുമ്പോള്‍ മറുഭാഗത്ത് ശൈത്യം ശക്തി പ്രാപിക്കുകയാണ്. ഡല്‍ഹിയിലും സമീപ സംസ്ഥാനങ്ങളിലും പെട്ടെന്നാണ് താപനില താഴ്ന്നത്. തൊട്ട് പിന്നാലെ ശീതക്കാറ്റെത്തി. മൂന്ന് ഡിഗ്രിയാണ് മിനിമം താപനില. രാജസ്ഥാനിലെ മൌണ്ട് അബുവില്‍ മൈനസ് ഒന്ന് ഡിഗ്രി.

17 വർഷത്തിനിടയിലെ ഏറ്റവും തണുപ്പേറിയ നവംബറാണ് കടന്നുപോയത്. ഡിസംബറിലും ഇത് ആവർത്തിച്ചേക്കും. ഈ തണുപ്പത്ത് കർഷക പ്രതിഷേധം മൂന്നാഴ്ച പിന്നിട്ടു. പ്രായമായവർ അധികമുള്ള സമരത്തില്‍ നിന്ന് അതിശൈത്യത്താലുള്ള മരണങ്ങള്‍ റിപ്പോർട്ടു ചെയ്യുന്നത് തുടരുകയാണ്. ഇന്നലെ തിക്രിയില്‍ ബട്ടിന്‍ണ്ട സ്വദേശി ജയ്സിങ് മരിച്ചു. സമരം ഇനിയും തുടർന്നാണ് വരും ദിവസങ്ങളില്‍ സ്ഥിതി സങ്കീർണമാകും.