LiveTV

Live

National

ഝാര്‍ഖണ്ഡില്‍ മുക്തിമോര്‍ച്ച നേതാവിനെയും ഭാര്യയെയും വെടിവച്ചു കൊന്നു

വീട്ടില്‍ കയറിയാണ് അജ്ഞാത സംഘം വെടിവെച്ചത്

ഝാര്‍ഖണ്ഡില്‍ മുക്തിമോര്‍ച്ച നേതാവിനെയും ഭാര്യയെയും വെടിവച്ചു കൊന്നു

ഝാര്‍ഖണ്ഡില്‍ മുക്തിമോര്‍ച്ച നേതാവ് ശങ്കര്‍ റവാണിയെയും ഭാര്യ ബാലികാ ദേവിയെയും അജ്ഞാത സംഘം വെടിവച്ച് കൊന്നു. വീട്ടില്‍ കയറിയാണ് അജ്ഞാത സംഘം വെടിവെച്ചത്.

ധന്‍ബാദ് ജില്ലയിലുള്ള വീട്ടില്‍ ഞായറാഴ്ചയാണ് സംഭവം നടന്നത്. ഇരുവരുടെയും ശരീരത്തില്‍ വെടിയേറ്റ പാടുകളും ആഴത്തിലുള്ള മുറിവുകളും ഉണ്ടായിരുന്നതായി സീനിയര്‍ പൊലീസ് സൂപ്രണ്ട് അസീം വിക്രാന്ത് മിന്‍സ് പറഞ്ഞു. കൊലപാതകത്തിന് ശേഷം അക്രമികള്‍ ഓടി രക്ഷപ്പെടുന്നതിനിടെ വാതിലുകള്‍ പുറത്തു നിന്നും പൂട്ടിയെന്നും പൊലീസ് പറഞ്ഞു. കുറ്റവാളികള്‍ക്കായുള്ള തിരച്ചില്‍ പൊലീസ് ഊര്‍ജ്ജിതമാക്കിയിട്ടുണ്ട്.