LiveTV

Live

National

കർഷകരുടെ അനിശ്ചിതകാല റോഡ് - ട്രെയിന്‍ തടയല്‍ സമരം ഇന്ന് മുതല്‍

നാളെ ഗാന്ധി ജയന്തി ദിനത്തില്‍ ഒരു ലക്ഷം പ്രതിഷേധ യോഗങ്ങള്‍ ചേരുമെന്ന് ഓള്‍ ഇന്ത്യ കിസാന്‍ സംഘര്‍ഷ് സമിതി അറിയിച്ചു.

കർഷകരുടെ അനിശ്ചിതകാല റോഡ് - ട്രെയിന്‍ തടയല്‍ സമരം ഇന്ന് മുതല്‍

കർഷക നിയമത്തിനെതിരെ ഇന്ന് മുതല്‍ കർഷകരുടെ അനിശ്ചിതകാല റോഡ് - ട്രെയിന്‍ തടയല്‍ സമരം. നാളെ ഗാന്ധി ജയന്തി ദിനത്തില്‍ ഒരു ലക്ഷം പ്രതിഷേധ യോഗങ്ങള്‍ ചേരുമെന്ന് ഓള്‍ ഇന്ത്യ കിസാന്‍ സംഘര്‍ഷ് സമിതി അറിയിച്ചു. കോണ്‍ഗ്രസ് നാളെ കർഷകദിനമായി ആചരിക്കും.

കർഷക പ്രതിഷേധം ഒരാഴ്ച പിന്നിട്ടിട്ടും കാര്യമായ നടപടി സർക്കാരിന്‍റെ ഭാഗത്തു നിന്നും ഉണ്ടാകാത്ത സാഹചര്യത്തിലാണ് സമരം ശക്തമാക്കാനുള്ള ആള്‍ ഇന്ത്യ കിസാന്‍ സംഘര്‍ഷ് കോഡിനേഷന്‍ സമിതിയുടെ തീരുമാനം. അനിശ്ചിത കാല ട്രെയിന്‍ - റോഡ്‌ തടയല്‍ സമരം ഇന്ന് മുതല്‍ ആരംഭിക്കും. പഞ്ചാബില്‍ അമൃത്സർ അടക്കം 5 ഇടങ്ങളില്‍ ട്രെയിന്‍ തടയും. ഡല്‍ഹിയിലേക്കുള്ള ട്രെയിനുകള്‍ ഹരിയാനയില്‍ തടയും. അംബാല - ഹിസാർ ഹൈവേ ഗതാഗതവും തടസപ്പെടുത്തും.

നാളെ ഗാന്ധി ജയന്തി ദിനത്തില്‍ വന്‍ പ്രതിഷേധം ഉയർത്തും. കര്‍ഷക നിയമത്തെ അനുകൂലിച്ച രാഷ്ട്രീയ പാര്‍ട്ടി നേതാക്കളെ ബഹിഷ്കരിക്കും. രാജ്യവ്യാപകമായി ഒരു ലക്ഷം പ്രതിഷേധ യോഗങ്ങള്‍ ചേരും. ഓരോ സംസ്ഥാനങ്ങളിലും പ്രായോഗികമായ തരത്തില്‍ പ്രതിഷേധങ്ങള്‍ സംഘടിപ്പിക്കാനാണ് ആഹ്വാനം.

250ല്‍ അധികം കര്‍ഷക സംഘടനകളുടെ പ്രാതിനിധ്യം ആള്‍ ഇന്ത്യ കിസാന്‍ സംഘര്‍ഷ് സമിതിയിലുണ്ട്. കോണ്‍ഗ്രസ് നാളെ കർഷകദിനമായി ആചരിക്കും. ശിരോമണി അകാലിദളും നാളെ കർഷക സംഗമങ്ങള്‍ നടത്തും.