LiveTV

Live

National

ഹാനി ബാബുവിന്‍റെ ജന്മദിനത്തില്‍ കത്തുകളയച്ച് വിദ്യാര്‍ഥികള്‍; വിട്ടയക്കാന്‍ ആവശ്യം ശക്തം

പല വിദ്യാര്‍ഥികളും പ്രൊഫസര്‍ ഹാനി ബാബുവുമൊത്തുള്ള അനുഭവങ്ങളാണ് കത്തിലെഴുതിയത്

ഹാനി ബാബുവിന്‍റെ ജന്മദിനത്തില്‍ കത്തുകളയച്ച് വിദ്യാര്‍ഥികള്‍; വിട്ടയക്കാന്‍ ആവശ്യം ശക്തം

എൽഗാർ പരിഷത്ത്-ഭീമ കൊറേഗാവ് കേസിൽ മാവോയിസ്റ്റ് ബന്ധം ആരോപിച്ച് ദേശീയ അന്വേഷണ ഏജൻസി (എൻ.ഐ.എ) അറസ്റ്റു ചെയ്ത ഡല്‍ഹി സര്‍വകലാശാല പ്രൊഫസര്‍ ഹാനി ബാബുവിന് ജന്മദിനത്തില്‍ കത്തയച്ച് വിദ്യാര്‍ഥികള്‍. 250ന് മുകളില്‍ കത്തുകളാണ് ഹാനി ബാബുവിന് ജന്മദിനത്തില്‍ ലഭിച്ചത്. പല വിദ്യാര്‍ഥികളും പ്രൊഫസര്‍ ഹാനി ബാബുവുമൊത്തുള്ള അനുഭവങ്ങളാണ് കത്തിലെഴുതിയത്. കത്തുകളിലൂടെ തങ്ങളുടെ പ്രൊഫസറെ വിട്ടയക്കാന്‍ വിദ്യാര്‍ഥികള്‍ ആവശ്യപ്പെട്ടു. ഇക്കഴിഞ്ഞ ജൂണ്‍ 28നാണ് ഹാനി ബാബുവിനെ എന്‍.ഐ.എ അറസ്റ്റ് ചെയ്യുന്നത്.

മുംബൈയിലെ ഓഫീസിൽ സാക്ഷി മൊഴി രേഖപ്പെടുത്താനെന്ന പേരിൽ വിളിപ്പിച്ച ശേഷമാണ് എൻ.ഐ.എ അറസ്റ്റ് രേഖപ്പെടുത്തിയത്. നേരത്തെ ഈ കേസില്‍ എന്‍.ഐ.എ ഹാനി ബാബു അടക്കം മൂന്ന് പേര്‍ക്ക് സമന്‍സ് അയച്ചിരുന്നു. എന്‍.ഐ.എയുടെ മുംബൈയിലെ ഓഫീസില്‍ വെച്ച് ജൂലൈ 23ന് ഹാനി ബാബുവിനെ എന്‍.ഐ.എ ചോദ്യം ചെയ്യുകയും ചെയ്തിരുന്നു. ജൂലൈ 12നാണ് പ്രൊഫസര്‍ ഹാനി ബാബുവിനെ എന്‍.ഐ.എയെ മുംബൈയിലേക്ക് വിളിപ്പിച്ചത്.

2019 സെപ്റ്റംബറില്‍ പൂനെ പൊലീസില്‍ നിന്നുള്ള 20 ഉദ്യോഗസ്ഥര്‍ ഹാനി ബാബുവിന്‍റെ നോയിഡയിലെ വീട്ടില്‍ തിരച്ചില്‍ നടത്തുകയും ലാപ്ടോപ്പും, മൊബൈല്‍ ഫോണും അടക്കം പിടിച്ചെടുക്കുകയും ചെയ്തിരുന്നു. ഭീമ കൊറേഗാവ് കേസുമായി ബന്ധപ്പെട്ട് അറസ്റ്റ് ചെയ്യുന്ന 12ാമത്തെ ആളാണ് ഹാനി ബാബു. സുധ ഭരദ്വാജ്, ഷോമ സെന്‍, സുരേന്ദ്ര ഗാഡ്ലിങ്, മഹേഷ് റൌത്, അരുണ്‍ ഫെരെയ്ര, സുധീര്‍ ധവാലെ, റോണ വില്‍സണ്‍, വെര്‍ണന്‍ ഗോണ്‍സാല്‍വ്സ്, വരവര റാവു, ആനന്ദ് തെല്‍തുംബ്ദെ, ഗൌതം നവലഖ എന്നിവരാണ് ഭീമ കൊറേഗാവ് കേസുമായി ഇത് വരെ അറസ്റ്റിലായവര്‍.

വിദ്യാര്‍ഥികള്‍ ഹാനി ബാബുവിന് അയച്ച കത്തുകള്‍:

ഹാനി ബാബുവിന്‍റെ ജന്മദിനത്തില്‍ കത്തുകളയച്ച് വിദ്യാര്‍ഥികള്‍; വിട്ടയക്കാന്‍ ആവശ്യം ശക്തം
ഹാനി ബാബുവിന്‍റെ ജന്മദിനത്തില്‍ കത്തുകളയച്ച് വിദ്യാര്‍ഥികള്‍; വിട്ടയക്കാന്‍ ആവശ്യം ശക്തം
ഹാനി ബാബുവിന്‍റെ ജന്മദിനത്തില്‍ കത്തുകളയച്ച് വിദ്യാര്‍ഥികള്‍; വിട്ടയക്കാന്‍ ആവശ്യം ശക്തം
ഹാനി ബാബുവിന്‍റെ ജന്മദിനത്തില്‍ കത്തുകളയച്ച് വിദ്യാര്‍ഥികള്‍; വിട്ടയക്കാന്‍ ആവശ്യം ശക്തം
ഹാനി ബാബുവിന്‍റെ ജന്മദിനത്തില്‍ കത്തുകളയച്ച് വിദ്യാര്‍ഥികള്‍; വിട്ടയക്കാന്‍ ആവശ്യം ശക്തം