LiveTV

Live

National

സച്ചിൻ പൈലറ്റിനെ രാജസ്ഥാന്‍ ഉപമുഖ്യമന്ത്രി പദത്തില്‍ നിന്നും പുറത്താക്കി

സച്ചിനെ പിന്തുണച്ച 2 മന്ത്രിമാരെയും പുറത്താക്കി.ബിജെപിയുമായി ചേര്‍ന്ന് സച്ചിന്‍ ഗൂഢാലോചന നടത്തിയെന്ന് കോണ്‍ഗ്രസ് ആരോപിച്ചു

സച്ചിൻ പൈലറ്റിനെ രാജസ്ഥാന്‍ ഉപമുഖ്യമന്ത്രി പദത്തില്‍ നിന്നും പുറത്താക്കി

സച്ചിൻ പൈലറ്റിനെ രാജസ്ഥാന്‍ ഉപമുഖ്യമന്ത്രി സ്ഥാനത്തു നിന്നും പി.സി.സി അധ്യക്ഷ സ്ഥാനത്തു നിന്നും പുറത്താക്കി. സച്ചിനെ പിന്തുണച്ച 2 മന്ത്രിമാരെയും പുറത്താക്കി.ബിജെപിയുമായി ചേര്‍ന്ന് സച്ചിന്‍ ഗൂഢാലോചന നടത്തിയെന്ന് കോണ്‍ഗ്രസ് ആരോപിച്ചു. ഗോവിന്ദ് സിങ് ഡോടാസറയാണ് പുതിയ പി.സി.സി അധ്യക്ഷന്‍.

'അത് എന്റെ നാക്കുപിഴ;  സച്ചിന്‍ പൈലറ്റ് ബി.ജെ.പിയില്‍ ചേര്‍ന്നിട്ടില്ലെന്ന് കോണ്‍ഗ്രസ് നേതാവ്
Also Read

'അത് എന്റെ നാക്കുപിഴ; സച്ചിന്‍ പൈലറ്റ് ബി.ജെ.പിയില്‍ ചേര്‍ന്നിട്ടില്ലെന്ന് കോണ്‍ഗ്രസ് നേതാവ്

രാജസ്ഥാൻ കോണ്‍ഗ്രസ് നിയമസഭാ കക്ഷിയോഗത്തിന് ശേഷമാണ് സച്ചിനെ പുറത്താക്കാനുള്ള തീരുമാനമെടുത്തത്. യോഗത്തില്‍ സച്ചിന്‍ പങ്കെടുത്തിരുന്നില്ല. അശോക് ഗെഹ്‍ലോട്ട്, കെ.സി വേണുഗോപാൽ, രൺദീപ് സുർജേവാല , അജയ് മാക്കൻ എന്നിവരുടെ നേതൃത്വത്തിലായിരുന്നു യോഗം.

ബി.ജെ.പിയിലേക്ക്  ഇല്ലെന്ന് സച്ചിന്‍ പൈലറ്റ്
Also Read

ബി.ജെ.പിയിലേക്ക് ഇല്ലെന്ന് സച്ചിന്‍ പൈലറ്റ്

നിയമസഭാ കക്ഷിയോഗം വിട്ട് നിൽക്കുന്ന എം.എൽ.എമാർക്കെതിരെ യോഗത്തില്‍ പ്രമേയം പാസാക്കിയിരുന്നു. സച്ചിനെ പാർട്ടിയിൽ നിന്നും പുറത്താക്കണമെന്ന എം.എൽ.എമാർ ആവശ്യപ്പെട്ടിരുന്നു. എന്നാല്‍ അശോക് ഗഹ്‌ലോട്ടിന് കീഴിൽ മുന്നോട്ട് പോകാനാകില്ലെന്ന് സച്ചിൻ പൈലറ്റ് ക്യാമ്പിലെ എം.എൽ.എമാർ വ്യക്തമാക്കിയിരുന്നു.

മുഖ്യമന്ത്രി അശോക് ഗെഹ്‍ലോട്ടുമായി തര്‍ക്കം തുടരുന്നതിനിടയിലും ബി.ജെ.പിയിലേക്ക് ഇല്ലെന്ന് സച്ചിന്‍ കഴിഞ്ഞ ദിവസം പറഞ്ഞിരുന്നു. തനിക്കൊപ്പം 30 കോൺഗ്രസ്‌ എംഎൽഎമാരും ഏതാനും സ്വതന്ത്ര എംഎൽഎമാരും ഉണ്ടെന്നാണ് സച്ചിന്‍ പൈലറ്റ് അവകാശപ്പെടുന്നത്.