LiveTV

Live

National

മഹാരാഷ്ട്രയിലെ കോവിഡ് വ്യാപനത്തിന് കാരണം നമസ്‌തേ ട്രംപ് പരിപാടിയെന്ന് ശിവസേന

ശിവസേന മുഖപത്രമായ സാംനയിലെ തന്റെ പ്രതിവാര കോളത്തില്‍ ആണ് റാവത്ത് അഭിപ്രായം രേഖപ്പെടുത്തിയത്.

മഹാരാഷ്ട്രയിലെ കോവിഡ് വ്യാപനത്തിന് കാരണം നമസ്‌തേ ട്രംപ് പരിപാടിയെന്ന് ശിവസേന

ഫെബ്രുവരിയില്‍ സംഘടിപ്പിച്ച നമസ്‌തേ ട്രംപ് പരിപാടിയാണ് മഹാരാഷ്ട്രയില്‍ കൊറോണ വൈറസ് വ്യാപനത്തിനിടയാക്കിയതെന്ന് ശിവസേന നേതാവ് സഞ്ജയ് റാവത്ത്. ഗുജറാത്തില്‍ നിന്ന് കൊറോണ വൈറസ് മുംബൈയിലേക്കും ഡല്‍ഹിയിലേക്കും വ്യാപിക്കുകയായിരുന്നു. ട്രംപിനൊപ്പം വന്ന ചില പ്രതിനിധികള്‍ ഡല്‍ഹിയും മുംബൈയും സന്ദര്‍ശിച്ചിരുന്നു. ഇത് വ്യാപനത്തിന് ആക്കം കൂട്ടിയെന്നും അദ്ദേഹം പറഞ്ഞു. രാജ്യത്ത് പ്രഖ്യാപിച്ച ലോക്ക്ഡൗണിനെതിരേയും സജ്ഞയ് റാവത്ത് രൂക്ഷ വിമര്‍ശനമാണ് ഉയര്‍ത്തിയിരിക്കുന്നത്. ശിവസേന മുഖപത്രമായ സാംനയിലെ തന്റെ പ്രതിവാര കോളത്തില്‍ ആണ് റാവത്ത് അഭിപ്രായം രേഖപ്പെടുത്തിയത്. കൊറോണ വൈറസ് പകര്‍ച്ചവ്യാധി നേരിടുന്നതില്‍ ശിവസേനയുടെ നേതൃത്വത്തിലുള്ള സംസ്ഥാന സര്‍ക്കാരിന്റെ പരാജയം കണക്കിലെടുത്ത് ബി.ജെ.പി എംപി നാരായണ്‍ റാണെ അടുത്തിടെ മഹാരാഷ്ട്ര ഗവര്‍ണര്‍ ബി.എസ് കോശ്യാരിയെ സന്ദര്‍ശിക്കുകയും രാഷ്ട്രപതി ഭരണം ഏര്‍പ്പെടുത്തണമെന്ന്‌ ആവശ്യപ്പെടുകയും ചെയ്തിരുന്നു.

മഹാരാഷ്ട്രയിലെ കോവിഡ് വ്യാപനത്തിന് കാരണം നമസ്‌തേ ട്രംപ് പരിപാടിയെന്ന് ശിവസേന

"മാര്‍ച്ച് 20 നാണ് ഗുജറാത്തിലെ ആദ്യത്തെ കൊറോണ വൈറസ് കേസുകള്‍ റിപ്പോര്‍ട്ട് ചെയ്യപ്പെട്ടത്. രാജ്‌കോട്ടില്‍ നിന്നുള്ള ഒരാളുടെയും സൂറത്തില്‍ നിന്നുള്ള ഒരു സ്ത്രീയുടെയും സാമ്പിളുകള്‍ കോവിഡ് പോസിറ്റീവ് ആണെന്ന് തെളിഞ്ഞു. കോവിഡ് മാഹാമാരി തടയുന്നതില്‍ പരാജയപ്പെട്ടുവെന്ന് ചൂണ്ടിക്കാട്ടി ഉദവ് താക്കറെ നയിക്കുന്ന സഖ്യ സര്‍ക്കാരിനെ പിരിച്ചുവിട്ട്‌ സംസ്ഥാനത്ത് രാഷ്ട്രപതി ഭരണം ഏര്‍പ്പെടുത്താനുള്ള ഏതൊരു നടപടിയും ആത്മഹത്യാപരമാണ്", ബി.ജെ.പി നേതാക്കളുടെ പ്രസ്താവനയ്ക്കുള്ള പ്രതികരണമായി അദ്ദേഹം പറഞ്ഞു.

"ആറുമാസം മുമ്പ് രാഷ്ട്രപതി ഭരണം എങ്ങനെയാണ് നടപ്പാക്കിയതെന്നും എടുത്തുകളഞ്ഞതെന്നുമുള്ള കാര്യത്തിന് സംസ്ഥാനം സാക്ഷ്യം വഹിച്ചതാണ്. രാഷ്ട്രപതി ഭരണം അടിച്ചേല്‍പ്പിക്കുന്നത് കൊറോണ വൈറസ് കേസുകള്‍ കൈകാര്യം ചെയ്യുന്നത് അടിസ്ഥാനമാക്കിയാണെങ്കില്‍ ബി.ജെ.പി ഭരിക്കുന്നവ ഉള്‍പ്പെടെ 17 സംസ്ഥാനങ്ങളില്‍ രാഷ്ട്രപതി ഭരണം നടപ്പാക്കേണ്ടി വരും" റാവത്ത് പരിഹസിച്ചു.

മഹാരാഷ്ട്രയിലെ കോവിഡ് വ്യാപനത്തിന് കാരണം നമസ്‌തേ ട്രംപ് പരിപാടിയെന്ന് ശിവസേന

കൊറോണക്കെതിരേ പോരാടാന്‍ പദ്ധതി പോലുമില്ലാത്തതിനാല്‍ പകര്‍ച്ചവ്യാധി തടയുന്നതില്‍ കേന്ദ്രസര്‍ക്കാര്‍ പോലും പരാജയപ്പെട്ടെന്നും അദ്ദേഹം കുറ്റപ്പെടുത്തി.

ലോക്ക്ഡൗണ്‍ എന്തുകൊണ്ട് പരാജയപ്പെട്ടെന്നത്‌‌ സംബന്ധിച്ച് രാഹുല്‍ ഗാന്ധി മികച്ച വിശകലനം നടത്തിയിട്ടുണ്ടെന്നും കൊറോണ വൈറസ് കേസുകളുടെ വര്‍ദ്ധനവിന് മഹാരാഷ്ട്രയില്‍ രാഷ്ട്രപതി ഭരണം ആവശ്യപ്പെടുന്നത് രാഷ്ട്രീയപ്രേരിതമാണെന്നും അദ്ദേഹം പറഞ്ഞു.

ഫെബ്രുവരി 24 ന് ട്രംപും പ്രധാനമന്ത്രി നരേന്ദ്ര മോദിയും ചേര്‍ന്ന നടത്തിയ റോഡ് ഷോ കാണാന്‍ ആയിരക്കണക്കിനാളുകളാണ് എത്തിയത്. റോഡ് ഷോയ്ക്ക് ശേഷം ഗുജറാത്ത് ക്രിക്കറ്റ് അസോസിയേഷന്റെ കീഴിലുള്ള മോട്ടേര ക്രിക്കറ്റ് സ്റ്റേഡിയത്തില്‍ ഒരു ലക്ഷത്തിലധികം പേരെ അഭിസംബോധന ചെയ്താണ് ഇരുനേതാക്കളും സംസാരിച്ചത്.

സജ്ഞയ് റാവത്ത്
സജ്ഞയ് റാവത്ത്