LiveTV

Live

National

അരവിന്ദ് കെജ്‍രീവാള്‍ ന്യൂ ഡല്‍ഹിയില്‍ തന്നെ മത്സരിക്കും

കഴിഞ്ഞ തെരഞ്ഞെടുപ്പില്‍ മുപ്പതിനായിരത്തിലേറെ വോട്ടിന്‍റെ ഭൂരിപക്ഷത്തിന് കെജ്‍രിവാള്‍ വിജയിച്ച മണ്ഡലമാണ് ന്യൂഡല്‍ഹി മണ്ഡലം.

അരവിന്ദ് കെജ്‍രീവാള്‍ ന്യൂ ഡല്‍ഹിയില്‍ തന്നെ മത്സരിക്കും

ദില്ലി നിയമസഭാ തെരഞ്ഞെടുപ്പില്‍ മുഖ്യമന്ത്രി അരവിന്ദ് കെജ്‍രീവാള്‍ സിറ്റിങ് സീറ്റില്‍ തന്നെ മത്സരിക്കും. കഴിഞ്ഞ തെരഞ്ഞെടുപ്പില്‍ മുപ്പതിനായിരത്തിലധികം വോട്ടിന്‍റെ ഭൂരിപക്ഷത്തിലാണ് അരവിന്ദ് കെജ്‍രിവാള്‍ ന്യൂ ഡല്‍ഹി മണ്ഡലത്തില്‍ നിന്ന് വിജയിച്ചത്.

ഇന്ത്യന്‍ തെരഞ്ഞെടുപ്പ് ചരിത്രത്തിലെ അത്യപൂര്‍വ ജയത്തിലൂടെയായിരുന്നു കെജ്‍രിവാള്‍ അന്ന് ബി.ജെ.പിയെ ഞെട്ടിക്കുകയും കോണ്‍ഗ്രസിനെ ഡല്‍ഹി ഭരണത്തില്‍നിന്ന് തുരത്തുകയും ചെയ്തത്. ആകെയുള്ള 70 സീറ്റുകളില്‍ 67ഉം നേടിയാണ് കെജ്‍‍രീവാളിന്‍റെ നേതൃത്വത്തിലുള്ള ആം ആദ്മി പാര്‍ട്ടി ഡല്‍ഹിയില്‍ അധികാരത്തിലേറിയത്.

അഴിമതി തുടച്ച് മാറ്റുമെന്ന പ്രതിജ്ഞയോടെയാണ് ഡല്‍ഹിയിലെ അസംബ്ലി തിരഞ്ഞെടുപ്പില്‍ പുതിയ ചലനം സൃഷ്ടിച്ചു കൊണ്ട് കെജ്‍രിവാളിന്‍റെ നേതൃത്വത്തിലുള്ള ആംആദ്മി പാര്‍ട്ടി ജനങ്ങള്‍ക്കിടയില്‍ വോട്ടഭ്യര്‍ത്ഥിച്ചത്. നിയമസഭ തെരഞ്ഞെടുപ്പില്‍ വലിയ ചലനം സൃഷ്ടിച്ച ആം ആദ്മിക്ക് പക്ഷേ ലോക്സഭ തെരഞ്ഞെടുപ്പില്‍ കാര്യമായി ഒന്നും ചെയ്യാന്‍ കഴിഞ്ഞില്ല.