LiveTV

Live

National

‘ജെ.എന്‍.യു ആക്രമണത്തിന്‍റെ ഉത്തരവാദിത്തം ഏറ്റെടുത്ത് ഹിന്ദു രക്ഷാ ദള്‍

ഹിന്ദു രക്ഷാ ദള്‍ നേതാവായ ഭൂപേന്ദ്ര തോമര്‍ എന്ന പിങ്കി ചൌധരി ഒരു വീഡിയോയിലാണ് ഇക്കാര്യം പറഞ്ഞത്. വേറെ യൂണിവേഴ്സിറ്റികളില്‍ ആരെങ്കിലും ദേശവിരുദ്ധ പ്രവര്‍ത്തനം നടത്തിയാലും ഇത് തന്നെ ചെയ്യുമെന്ന് ഭീഷണി.

‘ജെ.എന്‍.യു ആക്രമണത്തിന്‍റെ ഉത്തരവാദിത്തം ഏറ്റെടുത്ത് ഹിന്ദു രക്ഷാ ദള്‍

ജെ.എന്‍.യുവിലെ ആക്രമണത്തിന്റെ ഉത്തരവാദിത്തം ഏറ്റെടുത്ത് ഹിന്ദു രക്ഷാ ദള്‍. ജെ.എന്‍.യു ദേശവിരുദ്ധ പ്രവര്‍ത്തനങ്ങളുടെ കേന്ദ്രമാണ്. ഇത് സഹിക്കാനാവില്ലെന്നും അതുകൊണ്ടാണ് ആക്രമണം നടത്തിയതെന്നും ഹിന്ദു രക്ഷാ ദള്‍ നേതാവ് വ്യക്തമാക്കി.

ഗുണ്ടാ ആക്രമണത്തില്‍ തല പൊട്ടിയ ഐഷി ഘോഷിനെതിരെ പൊലീസ് കേസ്
Also Read

ഗുണ്ടാ ആക്രമണത്തില്‍ തല പൊട്ടിയ ഐഷി ഘോഷിനെതിരെ പൊലീസ് കേസ്

ഹിന്ദു രക്ഷാ ദള്‍ നേതാവായ ഭൂപേന്ദ്ര തോമര്‍ എന്ന പിങ്കി ചൌധരി ഒരു വീഡിയോയിലാണ് ഇക്കാര്യം പറഞ്ഞത്- "ജെ.എന്‍.യു കമ്യൂണിസ്റ്റ് കേന്ദ്രമാണ്. അത്തരം കേന്ദ്രങ്ങള്‍ അനുവദിക്കാനാവില്ല. അവര്‍ നമ്മുടെ രാജ്യത്തെയും മതത്തെയും കളങ്കപ്പെടുത്തുന്നു. നമ്മുടെ മതത്തോടുള്ള അവരുടെ നിലപാട് ദേശവിരുദ്ധമാണ്. വേറെ യൂണിവേഴ്സിറ്റികളില്‍ ആരെങ്കിലും ദേശവിരുദ്ധ പ്രവര്‍ത്തനം നടത്തിയാലും ഞങ്ങള്‍ ഇത് തന്നെ ചെയ്യും".

"അവർ നമ്മുടെ രാജ്യത്ത് ജീവിക്കുന്നു. ഇവിടെ ഭക്ഷിക്കുന്നു. ഇവിടെ വിദ്യാഭ്യാസം നേടുന്നു. പക്ഷെ അവർ ദേശവിരുദ്ധ പ്രവൃത്തികളിൽ ഏർപ്പെടുന്നു. ജെ.എൻ.യുവിൽ കഴിഞ്ഞ ദിവസം ആക്രമണം നടത്തിയവരെല്ലാം ഞങ്ങളുടെ പ്രവർത്തകരാണ്. രാജ്യത്തിനുവേണ്ടി ജീവിതം ഹോമിക്കാൻ ഞങ്ങൾ എപ്പോഴും തയാറാണ്"– എന്നും വീഡിയോയില്‍ തോമര്‍ പറയുന്നു.

ജെ.എന്‍.യു ആക്രമണം ‘ആസൂത്രണം’ ചെയ്ത വാട്സ്ആപ്പ് ഗ്രൂപ്പില്‍ ചീഫ് പ്രോക്ടറും എ.ബി.വി.പി ഭാരവാഹികളും
Also Read

ജെ.എന്‍.യു ആക്രമണം ‘ആസൂത്രണം’ ചെയ്ത വാട്സ്ആപ്പ് ഗ്രൂപ്പില്‍ ചീഫ് പ്രോക്ടറും എ.ബി.വി.പി ഭാരവാഹികളും

ജെ.എൻ.യുവില്‍ മാരകായുധങ്ങളുമായി ആക്രമണം നടത്തിയവരുടെ ദൃശ്യങ്ങളും ചിത്രങ്ങളും പുറത്തുവന്നിട്ടും പൊലീസ് ഇതുവരെ ആരെയും അറസ്റ്റ് ചെയ്തിട്ടില്ല. അക്രമം പൊലീസും സർവകലാശാലയിലെ സുരക്ഷാ ജീവനക്കാരും നോക്കിനില്‍ക്കുകയായിരുന്നു. അക്രമത്തില്‍ പരിക്കേറ്റ ഐഷി ഘോഷ് അടക്കമുള്ളവര്‍ക്കെതിരെ കേസ് എടുക്കുകയും ചെയ്തു.