ജാമിഅയിലെയും ഷഹീന്‍ ബാഗിലെയും പൗരത്വ പ്രതിഷേധങ്ങൾ ശക്തമാകുന്നു
സമരത്തിന് പിന്തുണ അറിയിച്ച് സി.പി.എം നേതാവ് ബൃന്ദ കാരാട്ട് ഉള്‍പ്പെടെയുള്ള പ്രമുഖര്‍ സമരവേദി സന്ദർശിച്ചു.
പൗരത്വ നിയമ ഭേദഗതിക്കെതിരെ ജാമിഅയിലെയും ഷഹീന്‍ ബാഗിലെയും പ്രതിഷേധങ്ങൾ വീണ്ടും ശക്തമാകുന്നു. സമരത്തിന് പിന്തുണ അറിയിച്ച് സി.പി.എം നേതാവ് ബൃന്ദ കാരാട്ട് ഉള്‍പ്പെടെയുള്ള പ്രമുഖര്‍ സമരവേദി സന്ദർശിച്ചു.
ജാമിഅ സർവകലാശാല തുറന്നതോടെയും ഷഹീൻ ബാഗിൽ റോഡ് ഉപരോധം അവസാനിപ്പിക്കാൻ പൊലീസ് നിർദേശിച്ചതോടെയും പ്രതിഷേധം ശക്തമായിരിക്കുകയാണ്. ജാമിഅയിൽ ദിവസവും പ്രധാന ഗേറ്റിന് മുന്നിൽ ശക്തമായ പ്രതിഷേധമാണ് അരങ്ങേറുന്നത്. ഇതിനിടെയാണ് സി.പി.എം നേതാവ് ബൃന്ദ കാരാട്ട്, ജാമിഅ വിദ്യാർഥികളായ ലദീദ സഖലൂന്‍, ആയിഷ റന്ന, നജീബിന്റെ മാതാവ് ഫാത്തിമ നഫീസ എന്നിവർ സമര വേദിയിൽ എത്തിയത്. ശേഷം നാല് പേരും ഷഹീൻ ബാഗും സന്ദർശിച്ചു.
എന്‍.എച്ച് 24 ഉപരോധം അവസാനിപ്പിക്കണമെന്ന മുന്നറിപ്പോടെ കഴിഞ്ഞ ദിവസം പൊലീസ് പ്രതിഷേധക്കാർ റോഡിൽ സ്ഥാപിച്ചിരുന്ന തടസ്സങ്ങൾ എടുത്തു മാറ്റിയിരുന്നു. ഇതോടെയാണ് പ്രതിഷേധം വീണ്ടും ശക്തമായത്. അപ്രതീക്ഷിത സമയത്ത് പോലീസ് നടപടി ഉണ്ടായേക്കുമെന്നാണ് പ്രതിഷേധക്കാർ കരുതുന്നത്.
Saudi Arabia
സൗദിയിൽ ഇഖാമ ഫീസും ലെവി തുകയും മൂന്ന് മാസത്തേക്കോ ആറുമാസത്തേക്കോ മാത്രമായി അടക്കാം; പുതിയ നിയമത്തിന് മന്ത്രിസഭാ അംഗീകാരം
National
'ദേശീയ പതാക മാറ്റിയല്ല അവര്‍ നിഷാൻ സാഹിബ് ഉയര്‍ത്തിയത്' വ്യാജ പ്രചരണത്തിനെതിരെ രാജ്ദീപ് സർദേശായി
National
സമരം സമാധാനപരമായി തുടരുമെന്ന് സംയുക്ത കിസാൻ മോർച്ച; കർഷകർ സമര ഭൂമിയിലേക്ക് മടങ്ങി
International