LiveTV

Live

National

രാജ്യത്തെ നടുക്കിയ ക്രൂര ബലാത്സംഗങ്ങള്‍, കൊലപാതകം; ജന്മദിനാഘോഷം ഉപേക്ഷിച്ച് സോണിയ ഗാന്ധി

അടുത്തിടെ സ്ത്രീകൾക്കെതിരായി നടന്ന ഉന്നാവ ബലാത്സംഗ കേസ്, തെലങ്കാന ബലാത്സംഗം, കൊലപാതകം എന്നീ കേസുകളിൽ വന്‍ പ്രക്ഷോഭം ഉയര്‍ന്നു വന്ന സാഹചര്യത്തിലാണ് സോണിയ ഗാന്ധിയുടെ തീരുമാനം.

രാജ്യത്തെ നടുക്കിയ ക്രൂര ബലാത്സംഗങ്ങള്‍, കൊലപാതകം; ജന്മദിനാഘോഷം ഉപേക്ഷിച്ച് സോണിയ ഗാന്ധി

രാജ്യത്തിന്റെ വിവിധ ഭാഗങ്ങളിൽ സ്ത്രീകൾക്കെതിരെ വർധിച്ചുവരുന്ന ക്രൂരമായ കുറ്റകൃത്യങ്ങളുടെ പശ്ചാത്തലത്തില്‍ കോൺഗ്രസ് ഇടക്കാല അധ്യക്ഷ സോണിയ ഗാന്ധി തന്റെ 73-ാം ജന്മദിനാഘോഷം ഉപേക്ഷിച്ചു. രാജ്യത്തിന്റെ പല ഭാഗങ്ങളിലും അതിക്രൂരമായ ബലാത്സംഗങ്ങള്‍ അരങ്ങേറിയതിന്റെ പശ്ചാത്തലത്തിലാണ് തിങ്കളാഴ്ച 73 വയസ് തികയുന്ന മുതിർന്ന കോൺഗ്രസ് നേതാവ് ആഘോഷം ഒഴിവാക്കാന്‍ തീരുമാനിച്ചതെന്ന് പി.ടി.ഐ റിപ്പോര്‍ട്ട് ചെയ്തു.

സ്ത്രീ സുരക്ഷയെക്കുറിച്ച് കടുത്ത ആശങ്ക പങ്കുവെച്ച സോണിയ, തന്റെ ജന്മദിനം ആഘോഷിക്കില്ലെന്നും, രാജ്യത്തിന്റെ വിവിധ ഭാഗങ്ങളിൽ ബലാത്സംഗ സംഭവങ്ങളും സ്ത്രീകൾക്ക് നേരെയുള്ള ആക്രമണങ്ങളും വര്‍ധിച്ചുവരുന്നത് ഞെട്ടലുളവാക്കുന്നുവെന്നും പറഞ്ഞതായി അടുത്ത വൃത്തങ്ങള്‍ സൂചിപ്പിച്ചു. അടുത്തിടെ രാജ്യത്തെ ഞെട്ടിച്ച ഉന്നാവ ബലാത്സംഗ കേസ്, തെലങ്കാന ബലാത്സംഗം, കൊലപാതകം എന്നീ കേസുകളിൽ വന്‍ ജനകീയ പ്രക്ഷോഭം ഉയര്‍ന്നു വന്ന സാഹചര്യത്തിലാണ് സോണിയ ഗാന്ധിയുടെ തീരുമാനം.

ഇതിന് മുമ്പും കോൺഗ്രസ് നേതാവ് ജന്മദിനാഘോഷ പരിപാടികള്‍ ഉപേക്ഷിച്ചിട്ടുണ്ട്. 2014 ൽ ജമ്മു കശ്മീരിലും ഛത്തീസ്ഗഡിലും നടന്ന ഭീകരാക്രമണത്തിന്റെയും നക്സൽ ആക്രമണങ്ങളുടെയും പശ്ചാത്തലത്തിലാണ് നേരത്തെ സോണിയ ഗാന്ധി ജന്മദിനാഘോഷം ഉപേക്ഷിച്ചത്. മുൻ ദക്ഷിണാഫ്രിക്കൻ പ്രസിഡന്റ് നെൽസൺ മണ്ടേലയുടെ നിര്യാണത്തെത്തുടർന്ന് 2013 ലും ആദരസൂചകമായി സോണിയ ജന്മദിനം ആഘോഷിച്ചിരുന്നില്ല.