LiveTV

Live

National

ലോകത്ത് ഏറ്റവുമധികം പെട്രോള്‍ വിലയുള്ള രാജ്യമായി ഇന്ത്യ മാറി: ശശി തരൂര്‍

നിര്‍മല സീതാരാമന്‍ അവതരിപ്പിച്ച ബജറ്റില്‍ പുതിയതായി ഒന്നുമില്ലെന്നും പഴയ വീഞ്ഞ് പുതിയ കുപ്പിയിലാക്കി അവതരിപ്പിച്ചതാണെന്നും കോണ്‍ഗ്രസ് ലോക്സഭാ കക്ഷി നേതാവ് അധിര്‍ രഞ്ജന്‍ ചൌധരി

ലോകത്ത് ഏറ്റവുമധികം പെട്രോള്‍ വിലയുള്ള രാജ്യമായി ഇന്ത്യ മാറി: ശശി തരൂര്‍

രണ്ടാം മോദി സര്‍ക്കാരിന്‍റെ ആദ്യ ബജറ്റിനെ രൂക്ഷമായി വിമര്‍ശിച്ച് കോണ്‍ഗ്രസ്. വന്‍തോതില്‍ വിലക്കയറ്റമുണ്ടാക്കുന്ന ബജറ്റാണ് അവതരിപ്പിച്ചതെന്ന് ശശി തരൂര്‍ എം.പി പ്രതികരിച്ചു. ലോകത്ത് ഏറ്റവുമധികം പെട്രോള്‍ വിലയുള്ള രാജ്യമായി ഇന്ത്യ മാറി. രാജ്യത്തിന്റെ സാമ്പത്തിക സ്ഥിതിയെ കുറിച്ച് ഒരു വിവരവും ബജറ്റില്‍ ഇല്ലെന്നും ശശി തരൂര്‍ വിമര്‍ശിച്ചു.

നിര്‍മല സീതാരാമന്‍ അവതരിപ്പിച്ച ബജറ്റില്‍ പുതിയതായി ഒന്നുമില്ലെന്നും പഴയ വീഞ്ഞ് പുതിയ കുപ്പിയിലാക്കി അവതരിപ്പിച്ചതാണെന്നും കോണ്‍ഗ്രസ് ലോക്സഭാ കക്ഷി നേതാവ് അധിര്‍ രഞ്ജന്‍ ചൌധരി പറഞ്ഞു. കര്‍ഷകരുടെ പ്രതിസന്ധികള്‍ പരിഹരിക്കാനോ തൊഴിലവസരങ്ങള്‍ വര്‍ധിപ്പിക്കാനോ പദ്ധതികളില്ല. ബി.ജെ.പിക്ക് സംഭാവന നല്‍കുന്ന കോര്‍പറേറ്റുകള്‍ക്ക് അനുകൂലമാണ് ബജറ്റ്. സ്വകാര്യ മേഖലകളെ കുറിച്ച് മാത്രമാണ് പരാമര്‍ശം. മിഡില്‍ ക്ലാസിന് വേണ്ടിയുള്ള പദ്ധതികളൊന്നുമില്ലെന്നും അധിര്‍ രഞ്ജന്‍ ചൌധരി പറഞ്ഞു.

സര്‍ക്കാര്‍ ജനങ്ങളെ നിരാശപ്പെടുത്തിയെന്ന് കോണ്‍ഗ്രസ് എം.പി കപില്‍ സിബല്‍ പ്രതികരിച്ചു. ഇത് ബജറ്റല്ല പ്രകടന പത്രികയാണെന്ന് മുതിര്‍ന്ന കോണ്‍ഗ്രസ് നേതാവ് അഹമ്മദ് പട്ടേല്‍ വിമര്‍ശിച്ചു. ഒരേ സമയം കോർപറേറ്റുകൾക്ക് നികുതി ഇളവ് നൽകുകയും എണ്ണ വില വർധിപ്പിച്ച് സാധാരണക്കാരെ ബുദ്ധിമുട്ടിക്കുകയും ചെയ്യുന്ന ബജറ്റെന്ന് സി.പി.എം ജനൽ സെക്രട്ടറി സീതാറാം യെച്ചൂരി കുറ്റപ്പെടുത്തി. തൊഴിലില്ലായ്മ അടക്കമുള്ള ജനകീയ പ്രശ്നങ്ങളെ അഭിമുഖീകരിക്കാത്ത ബജറ്റെന്ന് കേരള എംപിമാരും പ്രതികരിച്ചു.