LiveTV

Live

National

മോദി വന്നാല്‍ രാജ്യം വിടില്ല, ജനിച്ചതിവിടെ മരിക്കുന്നതും ഇവിടെ; ശബാന ആസ്മി

പരാജയഭീതിയുളള വ്യാജ വാര്‍ത്താ ബ്രിഗേഡുകളാണ് തനിക്കെതിരെ നുണ പ്രചരിപ്പിക്കുന്നത് 

മോദി വന്നാല്‍ രാജ്യം വിടില്ല, ജനിച്ചതിവിടെ മരിക്കുന്നതും ഇവിടെ; ശബാന ആസ്മി

നരേന്ദ്ര മോദി വീണ്ടും പ്രധാനമന്ത്രിയായാല്‍, താന്‍ രാജ്യം വിടുമെന്ന തരത്തില്‍ പ്രചരിക്കുന്ന വാര്‍ത്തകള്‍ വ്യാജമാണെന്ന് നടി ശബാന ആസ്മി. പരാജയഭീതിയുളള വ്യാജ വാര്‍ത്താ ബ്രിഗേഡുകളാണ് തനിക്കെതിരെ നുണ പ്രചരിപ്പിക്കുന്നതെന്നും ശബാന ട്വിറ്ററില്‍ കുറിച്ചു. ബി.ജെ.പിക്കെതിരെ നിരന്തരം വിമര്‍ശനങ്ങള്‍ ഉന്നയിക്കുന്ന വ്യക്തിയാണ് ശബാന.

'ഞാന്‍ അത്തരത്തില്‍ പറഞ്ഞിട്ടില്ല. രാജ്യം വിട്ടുപോകാന്‍ ഉദ്ദേശവുമില്ല. ഇത് ഞാന്‍ ജനിച്ച സ്ഥലമാണ്, മരണം വരെ ഇവിടെ തുടരാനാണ് ആഗ്രഹിക്കുന്നത്. വ്യാജ വാര്‍ത്ത ബ്രിഗേഡുകളുടെ പ്രവൃത്തിയെ തികഞ്ഞ അവജ്ഞയോടെ തളളുന്നു'- ശബാന ആസ്മി പറഞ്ഞു.

പരാജയഭീതി കൊണ്ടാണ് അവര്‍ നുണ പ്രചരിപ്പിക്കുന്നത്. എന്നാല്‍ എല്ലാം അവരുടെ മുഖത്ത് തന്നെയാണ് വന്നുവീഴുന്നത്. കാരണം ഇവരുടെ നുണ തുറന്നുകാട്ടാന്‍ ധൈര്യമുളള നിരവധി പേര്‍ ഇവിടെയുണ്ടെന്നും ശബാന ആസ്മി ട്വിറ്ററില്‍ കുറിച്ചു.എതിരാളികളെ ശത്രുക്കളെ പോലെ കാണരുതെന്നാണ് പിതാവ് കൈഫ് ആസ്മി പഠിപ്പിച്ചതെന്നും അവര്‍ കൂട്ടിച്ചേര്‍ത്തു.