LiveTV

Live

National

അഭിനന്ദന്‍ വര്‍ധമാന്റെ പേരിലുള്ള ട്വിറ്റര്‍ അക്കൗണ്ട് വ്യാജമെന്ന് സര്‍ക്കാര്‍ വൃത്തങ്ങള്‍ 

അഭിനന്ദന്‍ വര്‍ധമാന്റെ പേരിലുള്ള  ട്വിറ്റര്‍ അക്കൗണ്ട് വ്യാജമെന്ന് സര്‍ക്കാര്‍ വൃത്തങ്ങള്‍ 

പാക്കിസ്താനില്‍ നിന്നും ഇന്ത്യയില്‍ തിരിച്ചെത്തിയ വ്യോമ സേന വിങ് കമാന്റര്‍ അഭിനന്ദന്‍ വര്‍ധമാന്റെ പേരില്‍ ട്വിറ്ററില്‍ തുടങ്ങിയ അക്കൗണ്ട് വ്യാജമെന്ന് സര്‍ക്കാര്‍ വൃത്തങ്ങള്‍. ഇത് സംബന്ധിച്ച് സ്ഥിരീകരണവുമായി എ.എന്‍.ഐ സര്‍ക്കാര്‍ വൃത്തങ്ങളെ ഉദ്ദരിച്ച് റിപ്പോര്‍ട്ട് ചെയ്യുന്നു. നിര്‍മല സീതാരാമനുമൊത്തുള്ള അഭിനന്ദന്‍ വര്‍ധമാന്റെ കൂടിക്കാഴ്ച്ചയുടെ ഫോട്ടോ ഉള്‍പ്പെടുത്തിയാണ് എ.എന്‍.ഐ ട്വിറ്റര്‍ അക്കൗണ്ടിന്റെ സത്യാവസ്ഥ ചൂണ്ടികാണിക്കുന്നത്. @Abhinandan_wc എന്ന അക്കൗണ്ടില്‍ നിന്നും മാര്‍ച്ച് ഒന്ന് മുതലാണ് ട്വീറ്റുകള്‍ പുറത്ത് വരാന്‍ തുടങ്ങിയത്. പ്രധാനമന്ത്രി നരേന്ദ്ര മോദിയുടെ ട്വീറ്റ് റീട്വീറ്റ് ചെയ്ത് കൊണ്ടാണ് ആദ്യ സന്ദേശം പുറത്ത് വരുന്നത്. തുടര്‍ന്ന് തമിഴിലും ഇംഗ്ലീഷിലുമായി ഏകദേശം 20ന് മുകളില്‍ ട്വീറ്റുകളാണ് പോസ്റ്റ് ചെയ്തിരിക്കുന്നത്.

അതേ സമയം അഭിനന്ദനെ ചട്ടപ്രകാരമുള്ള ഡി-ബ്രീഫിംഗ് പരിശോധന നടപടികള്‍ക്ക് ഇന്ന് വിധേയനാക്കും. ആരോഗ്യ സ്ഥിതി മെച്ചപ്പെട്ട ശേഷമാകും നടപടികള്‍.