LiveTV

Live

National

സാകിർ നായികിന്റെ 16.40 കോടിയുടെ സ്വത്ത്​എന്‍ഫോഴ്സ്മെന്റ് ഡയറക്ടറേറ്റ് കണ്ടുകെട്ടി

കളളപ്പണം വെളുപ്പിക്കല്‍ നിരോധന നിയമപ്രകാരമാണ് നടപടി. മുംബൈ, പൂനെ എന്നിവിടങ്ങളിലെ സ്വത്താണ് കണ്ടുകെട്ടിയത്.

സാകിർ നായികിന്റെ 16.40 കോടിയുടെ സ്വത്ത്​എന്‍ഫോഴ്സ്മെന്റ് ഡയറക്ടറേറ്റ് കണ്ടുകെട്ടി

മതപ്രഭാഷകന്‍ സാകിര്‍ നായികിന്റെ സ്വത്തുക്കള്‍ എന്‍ഫോഴ്സ്മെന്റ് ഡയറക്ടറേറ്റ് കണ്ടുകെട്ടി. കളളപ്പണം വെളുപ്പിക്കല്‍ നിരോധന നിയമപ്രകാരമാണ് നടപടി. മുംബൈ, പൂനെ എന്നിവിടങ്ങളിലെ സ്വത്താണ് കണ്ടുകെട്ടിയത്.

സാകിർ നായികിന്റെ 16.40 കോടി രൂപയുടെ സ്വത്തുക്കളാണ് എന്‍ഫോഴ്സ്മെന്റ് ഡയറക്ടറേറ്റ് കണ്ടുകെട്ടിയിരിക്കുന്നത്. എൻ. ഐ.എ 2017 ഒക്ടോബർ 26ന് കോടതി മുമ്പാകെ ഫയൽ ചെയ് ത കുറ്റപത്രം അനുസരിച്ചാണ് എൻഫോഴ്സ്മെൻറ് അന്വേഷണം ആരംഭിച്ചത് . ഇത് മൂന്നാം തവണയാണ് എന്‍ഫോഴ്സ്മെന്റ് ഡയറക്ടറേറ്റ് സാകിർ നായികിന്റെ സ്വത്തുക്കൾ കണ്ടുകെട്ടുന്നത്. ഇതുവരെ ആകെ 50.49 കോടിയുടെ സ്വത്തുക്കളാണ് പിടിച്ചെടുത്തത്. സാകിർ നായിക് നിലവിൽ മലേഷ്യയിലാണെന്നാണ് സൂചന.

ഹിന്ദു, ക്രിസ്ത്യൻ മതവിഭാഗങ്ങളുടെയും വഹാബി ഇതര മുസ്‍ലിം വിഭാഗങ്ങളുടെയും വികാരങ്ങളെ മനഃപൂർവ്വം വ്രണപ്പെടുത്തിയെന്നാണ് സാകിർ നായ്കിനെതിരായ പരാതിയെന്ന് കുറ്റപത്രത്തിൽ പറയുന്നു. ഇത്തരത്തിലുള്ള പ്രഭാഷണത്തിനായി സാകിർ നായ്കിന് വിദേശ ഫണ്ട് ലഭിക്കുന്നുവെന്നും ആരോപണമുണ്ടായിരുന്നു.