LiveTV

Live

National

കോണ്‍ഗ്രസിനെ ഒഴിവാക്കി എസ്.പി - ബി.എസ്.പി കൈകോര്‍ക്കുന്നു

അഖിലേഷ് യാദവും മായാവതിയും കഴിഞ്ഞ ദിവസം നടത്തിയ ചര്‍ച്ചക്ക് ശേഷമാണ് കോണ്‍ഗ്രസിനെ ഒഴിവാക്കിയുള്ള സഖ്യത്തിന് ഇരുപാര്‍ട്ടികളും ധാരണയിലെത്തിയെന്ന വാര്‍ത്ത പരന്നത്.

കോണ്‍ഗ്രസിനെ ഒഴിവാക്കി എസ്.പി - ബി.എസ്.പി കൈകോര്‍ക്കുന്നു

ലോക്സഭ തെരഞ്ഞെടുപ്പില്‍ ഉത്തര്‍പ്രദേശില്‍ കോണ്‍ഗ്രസിനെ ഒഴിവാക്കി ബി.എസ്.പി - എസ്.പി സഖ്യത്തിന് സാധ്യതയേറി. സംസ്ഥാനത്ത് കോണ്‍ഗ്രസ് പ്രധാന ശക്തിയല്ലെന്നും ബി.ജെ.പിയെ തോല്‍പിക്കാന്‍ എസ്.പി - ബി.എസ്.പി സഖ്യത്തിന് കഴിയുമെന്നും എസ്.പി ദേശീയ നേതൃത്വം. അതേസമയം, സഖ്യത്തെക്കുറിച്ച് ഔദ്യോഗിക പ്രഖ്യാപനമൊന്നും ഇതുവരെ ഉണ്ടായിട്ടില്ല.

കോണ്‍ഗ്രസിനെ ഒഴിവാക്കി എസ്.പി - ബി.എസ്.പി കൈകോര്‍ക്കുന്നു

സമാജ്‌വാദി പാര്‍ട്ടി അധ്യക്ഷന്‍ അഖിലേഷ് യാദവും ബഹുജന്‍ സമാജ്‌വാദി പാര്‍ട്ടി അധ്യക്ഷ മായാവതിയും കഴിഞ്ഞ ദിവസം നടത്തിയ ചര്‍ച്ചക്ക് ശേഷമാണ് കോണ്‍ഗ്രസിനെ ഒഴിവാക്കിയുള്ള സഖ്യത്തിന് ഇരുപാര്‍ട്ടികളും ധാരണയിലെത്തിയെന്ന വാര്‍ത്ത പരന്നത്. ഈ സാധ്യതയെ ശക്തിപ്പെടുത്തുന്നതാണ് എസ്.പി ദേശീയ വൈസ് പ്രസിഡന്റ് കിരണ്‍മൊയി നന്ദയുടെ പ്രസ്താവന. യു.പിയില്‍ ബി.ജെ.പിയെ പരാജയപ്പെടുത്താന്‍ എസ്.പി - ബി.എസ്.പി സഖ്യം മാത്രം മതിയെന്നാണ് കിരണ്‍മൊയിയുടെ നിലപാട്.

കോണ്‍ഗ്രസിനെ ഒഴിവാക്കി എസ്.പി - ബി.എസ്.പി കൈകോര്‍ക്കുന്നു

അതേസമയം, രാഹുല്‍ ഗാന്ധിയും സോണിയ ഗാന്ധിയും എം.പിമാരായ റായ്ബറേലി, അമേത്തി സീറ്റുകളില്‍ സഖ്യം സ്ഥാനാര്‍ഥികളെ നിര്‍ത്തില്ലെന്നും അദ്ദേഹം കൂട്ടിച്ചേര്‍ത്തു. സഖ്യ വാര്‍ത്തകള്‍ അനൌദ്യോഗികം മാത്രമെന്നാണ് കോണ്‍ഗ്രസ് സംസ്ഥാന നേതൃത്വത്തിന്റെ പ്രതികരണം. പരസ്യമായ സഖ്യത്തിന് പകരം കോണ്‍ഗ്രസുമായി നീക്കുപോക്കുകളാണ് എസ്.പി - ബി.എസ്.പി സഖ്യം ആഗ്രഹിക്കുന്നതെന്നാണ് റിപ്പോര്‍ട്ട്. പരസ്യ സഖ്യം ബി.ജെ.പിക്ക് അനുകൂലമായ ധ്രുവീകരണം സൃഷ്ടിക്കുമെന്നും വിലയിരുത്തലുണ്ട്.