LiveTV

Live

National

മോദിയുടെ വിദേശ യാത്രകള്‍ക്ക് താല്‍കാലിക വിരാമം; തെരഞ്ഞെടുപ്പ് കാലത്ത് നാട്ടിലുണ്ടാകും

2014ല്‍ പ്രധാനമന്ത്രിയായ ശേഷം മോദി 48 വിദേശയാത്രകളാണ് നടത്തിയത്

മോദിയുടെ വിദേശ യാത്രകള്‍ക്ക് താല്‍കാലിക വിരാമം; തെരഞ്ഞെടുപ്പ് കാലത്ത് നാട്ടിലുണ്ടാകും

പൊതുതെരഞ്ഞെടുപ്പ് അടുത്തതോടെ പ്രധാനമന്ത്രി നരേന്ദ്ര മോദി വിദേശ യാത്രകള്‍ അവസാനിപ്പിച്ചിരിക്കുകയാണ്. 2019ലെ ആദ്യ നാലു മാസങ്ങളിലും ഒരു വിദേശ യാത്ര പോലും മോദിയുടെ ലിസ്റ്റിലില്ല.

2014ല്‍ പ്രധാനമന്ത്രിയായ ശേഷം മോദി 48 വിദേശയാത്രകളാണ് നടത്തിയത്. ഈ വര്‍ഷം മാത്രം 14 യാത്രകള്‍. പ്രധാനമന്ത്രിയുടെ ചുമതലകള്‍ നിര്‍വഹിക്കുന്നതിനുപുറമെ ബി.ജെ.പിയുടെ മുഖ്യ പ്രചാരകനാണ് മോദി. തെരഞ്ഞെടുപ്പ് അടുത്തതോടെ പ്രാദേശിക വിഷയങ്ങളില്‍ ശ്രദ്ധ കേന്ദ്രീകരിക്കാനാണ് പ്രധാനമന്ത്രിയുടെ തീരുമാനം.

മോദിയുടെ വിദേശ യാത്രകള്‍ക്ക് താല്‍കാലിക വിരാമം; തെരഞ്ഞെടുപ്പ് കാലത്ത് നാട്ടിലുണ്ടാകും

കഴിഞ്ഞവര്‍ഷങ്ങളില്‍ വച്ച് ഏറ്റവും വലിയ തോല്‍വിയാണ് ഈ അടുത്ത് നടന്ന നിയമസഭാ തെരഞ്ഞെടുപ്പില്‍ രാജസ്ഥാന്‍, മധ്യപ്രദേശ്‌, ഛത്തീസ്‌ഗഢ് സംസ്ഥാനങ്ങളില്‍ ബി.ജെ.പി നേരിട്ടത്. തൊഴിലില്ലായ്മയും കാര്‍ഷിക പ്രതിസന്ധിയും നിയമസഭാ തെരഞ്ഞെടുപ്പിനെ ബാധിച്ചതായാണ് പാര്‍ട്ടി വിലയിരുത്തല്‍. പൊതുതെരഞ്ഞെടുപ്പില്‍ ഈ പ്രശ്നങ്ങള്‍ പരിഹരിക്കാനൊരുങ്ങുകയൊണ് നരേന്ദ്ര മോദി.

പ്രതിപക്ഷ സഖ്യത്തെ നേരിടാനുള്ള തയ്യാറെടുപ്പും ബി.ജെ.പി നടത്തേണ്ടതുണ്ട്. ജനുവരി 21-23 തിയതികളിലായി വരണാസിയില്‍ നടക്കുന്ന പ്രവാസി ഭാരതിയ ദിവസ് ആഘോഷങ്ങളിലും പ്രധാനമന്ത്രി പങ്കെടുക്കും. അര്‍ജന്റീനയാണ് ഏറ്റവും ഒടുവില്‍ മോദി സന്ദര്‍ശിച്ച വിദേശരാജ്യം.