LiveTV

Live

National

ബിജെപി എംപിയാണ് തന്റെ സഹോദരനെ വെടിവെക്കാന്‍ ക്വട്ടേഷന്‍ നല്‍കിയതെന്ന് കഫീല്‍ ഖാന്‍

ബിജെപി എംപിയാണ് തന്റെ സഹോദരനെ വെടിവെക്കാന്‍ ക്വട്ടേഷന്‍ നല്‍കിയതെന്ന്  കഫീല്‍ ഖാന്‍
Summary
കമലേഷ് പാസ്വാന്‍ എംപിയും ബല്‍ദേവ് പ്ലാസ ഉടമ സതിഷ് നന്‍ഗലിയയുമാണ് അക്രമികളെ വാടകക്കെടുത്തതെന്ന് കഫീല്‍ ഖാന്‍ പറഞ്ഞു.

ബിജെപി എംപി കമലേഷ് പാസ്വാനാണ് തന്റെ സഹോദരനെ വെടിവെക്കാന്‍ ക്വട്ടേഷന്‍ നല്‍കിയതെന്ന് ഡോ കഫീല്‍ ഖാന്‍. തന്റെ അമ്മാവന്റെ സ്ഥലത്ത് ഷോപ്പിങ് കോംപ്ലക്സ് നിര്‍മിക്കാന്‍ ബിജെപി എംപി നടത്തിയ കടന്നുകയറ്റത്തിനെതിരെ പരാതി നല്‍കിയതിന്റെ പ്രതികാരമാണ് വെടിവെപ്പെന്നും കഫീല്‍ ഖാന്‍ ആരോപിച്ചു.

കമലേഷ് പാസ്വാനും ബല്‍ദേവ് പ്ലാസ ഉടമ സതിഷ് നന്‍ഗലിയയുമാണ് അക്രമികളെ വാടകക്കെടുത്തതെന്ന് കഫീല്‍ ഖാന്‍ പറഞ്ഞു. ഇരുവര്‍ക്കുമെതിരായ കയ്യേറ്റ പരാതിയില്‍ ഫെബ്രുവരിയില്‍ എഫ്ഐആര്‍ രജിസ്റ്റര്‍ ചെയ്തിരുന്നു. ഹൈക്കോടതിയില്‍ പോയാണ് ഇരുവരും അറസ്റ്റ് ഒഴിവാക്കിയതെന്നും കഫീല്‍ ഖാന്‍ പറഞ്ഞു.

സഹോദരനെ ആക്രമിച്ചവരെ 48 മണിക്കൂറിനകം അറസ്റ്റ് ചെയ്യുമെന്നാണ് ഉറപ്പ് ലഭിച്ചത്. ഇതുവരെ അറസ്റ്റ് ഉണ്ടായിട്ടില്ല. കേസ് സിബിഐയോ ഹൈക്കോടതി ജ‍ഡ്ജിയോ അന്വേഷിക്കണമെന്നും കഫീല്‍ ഖാന്‍ ആവശ്യപ്പെട്ടു.