LiveTV

Live

National

20 വര്‍ഷമായി വീട്ടുകാര്‍ ഇരുട്ടുമുറിയില്‍ പൂട്ടിയിട്ട യുവതിക്ക് മോചനം

20 വര്‍ഷമായി വീട്ടുകാര്‍ ഇരുട്ടുമുറിയില്‍ പൂട്ടിയിട്ട യുവതിക്ക് മോചനം
Summary
വടക്കന്‍ ഗോവയിലെ കാന്‍ഡോളിം ഗ്രാമത്തിലാണ് സംഭവം നടന്നത്

ഇരുപത് വര്‍ഷമായി വീട്ടുകാര്‍ ഇരുട്ടുമുറിയില്‍ പൂട്ടിയിട്ട യുവതിക്ക് ഒടുവില്‍ മോചനം. വടക്കന്‍ ഗോവയിലെ കാന്‍ഡോളിം ഗ്രാമത്തിലാണ് സംഭവം നടന്നത്. വിവാഹിതയായ യുവതിയുടെ ഭര്‍ത്താവ് മുംബൈ സ്വദേശിയാണ്. ഭര്‍ത്താവിന്റെ വീട്ടില്‍ നിന്നും ഗോവയിലുള്ള സ്വന്തം വസതിയിലെത്തിയ യുവതിയെ നോര്‍മല്‍ അല്ലായെന്ന കാരണത്താല്‍ വീട്ടുകാര്‍ മുറിയില്‍ പൂട്ടിയിടുകയായിരുന്നു.

20 വര്‍ഷമായി വീട്ടുകാര്‍ ഇരുട്ടുമുറിയില്‍ പൂട്ടിയിട്ട യുവതിക്ക് മോചനം

ഒരു കൂട്ടം വനിതാ പൊലീസ് ഉദ്യോഗസ്ഥരുടെ നേതൃത്വത്തിലാണ് യുവതിയെ രക്ഷപ്പെടുത്തിയത്. പൊലീസ് എത്തുമ്പോള്‍ വസ്ത്രമില്ലാതെ അഴുക്ക് നിറഞ്ഞ മുറിയില്‍ കഴിയുകയായിരുന്നുവെന്ന് മുതിര്‍ന്ന പൊലീസ് ഉദ്യോഗസ്ഥന്‍ പറഞ്ഞു. മാതാപിതാക്കളുടെ അറിവോടെയാണ് യുവതിയെ പൂട്ടിയിട്ടത്. ഒരു ജനാല മാത്രമായിരുന്നു പുറംലോകത്തേക്കുള്ള ഏക ആശ്രയം. ഇതില്‍ കൂടിയാണ് യുവതിക്ക് വെള്ളവും ഭക്ഷണവും നല്‍കിയിരുന്നത്. ഇവരുടെ രണ്ട് സഹോദരന്‍മാരും കുടുംബവും ഈ വീട്ടില്‍ തന്നെയാണ് താമസിക്കുന്നത്.

ദിവസവും ആയിരക്കണക്കിന് സഞ്ചാരികളെത്തുന്ന സ്ഥലമാണ് കാന്‍ഡോളിം. ഇത്തരത്തില്‍ ഒരു തിരക്കുള്ള സ്ഥലത്താണ് ആരും കാണാതെ ആരും അറിയാതെ ഇരുപത് വര്‍ഷത്തോളം ഒരു യുവതി ഇരുട്ടുമുറിയില്‍ കഴിഞ്ഞുവെന്നതാണ് ഏറ്റവും ദയനീയകരമായ കാര്യം. സ്ത്രീകളുടെ അവകാശങ്ങള്‍ക്ക് വേണ്ടി പ്രവര്‍ത്തിക്കുന്ന ബൈലാഞ്ചോ സാഡ് എന് സംഘടനയാണ് പൊലീസിനെ വിവരമറിയിച്ചത്. തുടര്‍ന്ന് ഒരു സംഘം പൊലീസെത്തി വീട്ടില്‍ പരിശോധന നടത്തുകയായിരുന്നു. യുവതിയ ചികിത്സക്കായി ആശുപത്രിയില്‍ പ്രവേശിപ്പിച്ചിട്ടുണ്ട്.

ഭര്‍ത്താവിന് മറ്റൊരു ഭാര്യയുണ്ടെന്നറിഞ്ഞാണ് യുവതി സ്വവസതിയിലെത്തിയത്. അന്ന് മുതല്‍ യുവതി മാനസിക പ്രശ്നമുള്ളവരെപ്പോലെ പെരുമാറിയതെന്ന് ബന്ധുക്കള്‍ പറഞ്ഞു. അന്വേഷണം പ്രാഥമിക ഘട്ടത്തിലാണെന്നും സംഭവുമായി ബന്ധപ്പെട്ട് ആരെയും അറസ്റ്റ് ചെയ്തിട്ടില്ലെന്നും പൊലീസ് കൂട്ടിച്ചേര്‍ത്തു. എന്നാല്‍ യുവതിയുടെ ബന്ധുക്കളുടെ മൊഴിയെടുത്തിട്ടുണ്ട്.