LiveTV

Live

National

ഇസ്രയേല്‍ വെടിവെപ്പിനെതിരെ പ്രതിഷേധം ശക്തം

ഇസ്രയേല്‍ വെടിവെപ്പിനെതിരെ പ്രതിഷേധം ശക്തം
Summary
ന്യൂയോര്‍ക്കിലും ഇസ്തംബൂളിലും ജക്കാര്‍ത്തയിലും നടന്ന റാലികളില്‍ ആയിരങ്ങളാണ് അണിനിരന്നത്

ഗസ്സയില്‍ ഫലസ്തീനികള്‍ക്കുനേരെ ഇസ്രയേല്‍ സൈന്യം നടത്തിയ വെടിവെപ്പിനെതിരെ പ്രതിഷേധം ശക്തമാകുന്നു. ന്യൂയോർക്കിലും ഇസ്​തംബൂളിലും ജക്കാർത്തയിലും വന്‍ റാലികൾ നടന്നു. ഇസ്രായേൽ അംബാസഡറോട്​ രാജ്യംവിടാൻ തുർക്കി ആവശ്യപ്പെട്ടു. അതേസമയം ആക്രമണത്തില്‍ മരിച്ചവരുടെ എണ്ണം 60 ആയി.

ഇ​സ്രാ​യേ​ലി​ലെ യു.​എ​സ്​ എം​ബ​സി തെ​ൽ​അ​വീ​വി​ൽ​നി​ന്ന്​ ജ​റൂ​സ​ല​മി​ലേ​ക്ക്​ മാ​റ്റി​യ​തി​നെ​തി​രെ ഫലസ്തീനികള്‍ ന​ട​ത്തി​യ പ്ര​തി​ഷേ​ധം അ​ടി​ച്ച​മ​ർ​ത്താ​ൻ ഇ​സ്രാ​യേ​ൽ ന​ട​ത്തി​യ ആ​ക്ര​മ​ണ​ത്തി​നെതിരെ ശക്തമായ പ്രതിഷേധമാണ് ലോകമെമ്പാടും നടക്കുന്നത്. ന്യൂയോര്‍ക്കിലും ഇസ്തംബൂളിലും ജക്കാര്‍ത്തയിലും നടന്ന റാലികളില്‍ ആയിരങ്ങളാണ് അണിനിരന്നത്.

കൊല്ലപ്പെട്ട ഫലസ്​തീനികളെല്ലാം ഭീകരരാണെന്ന്​ പറഞ്ഞ ഇസ്രായേൽ അംബാസിഡറോട് രാജ്യം വിടാന്‍ തുര്‍ക്കി ആവശ്യപ്പെട്ടു. അബാസിഡറെ വിളിച്ചുവരുത്തി ബെൽജിയം വിദേശകാര്യ മന്ത്രി അതൃപ്​തി അറിയിച്ചു.

ഇ​സ്രാ​യേ​ലി​ന്റെ അ​തി​ക്ര​മ​ത്തി​നെ​തി​രെ ഇ​നി​യും നി​ശ്ശ​ബ്​​ദ​രാ​യി​രി​ക്കാ​ൻ സാ​ധി​ക്കി​ല്ലെ​ന്ന് ഹ​മാ​സ്​ വ​ക്​​താ​വ്​ ഖ​ലീ​ൽ അ​ൽ ഹ​യ്യ മു​ന്ന​റി​യി​പ്പ്​ ന​ൽ​കി. മ​റ്റു ചെ​റു​ത്തു​നി​ൽ​പ്​ സം​ഘ​ങ്ങ​ളും തി​രി​ച്ച​ടി ന​ൽ​കു​മെ​ന്ന്​ പ്ര​ഖ്യാ​പി​ച്ചി​ട്ടു​ണ്ട്. ആക്രമമത്തില്‍ ഐക്യരാഷ്ട്രസഭയും അപലപിച്ചു. ഇസ്രേയേല്‍ എല്ലാ അതിരുകളും ലംഘിക്കുകയാണെന്ന് യുഎന്‍ രക്ഷാസമിതി അറിയിച്ചു.

ഫ്രാന്‍സ്, ബ്രിട്ടന്‍, ജര്‍മനി ഉള്‍പ്പെടെയുള്ള രാജ്യങ്ങളെല്ലാം ആക്രമണത്തെ അപലപിച്ച് രംഗത്തെത്തി. സംഭവത്തില്‍ അന്വേഷണം വേണമെന്നും ഇവര്‍ ആവശ്യപ്പെട്ടു. അതേസമയം ആക്രമണത്തില്‍ മരിച്ചവരുടെ അറുപതായി. 2,700 ഓളം പേ​ർ​ക്ക്​ പ​രി​ക്കേ​ൽ​ക്കു​ക​യും ചെ​യ്​​തി​ട്ടു​ണ്ട്. ഇതില്‍ പലരുടെ നില ഗുരുതരമാണ്.