LiveTV

Live

Movies

യൂത്ത് ലുക്കില്‍ തല: സസ്പെന്‍സ് ഒളിപ്പിച്ച് വിശ്വാസത്തിന്‍റെ പുതിയ പോസ്റ്റര്‍ പുറത്ത്

വീരം, വേതാളം, വിവേകം എന്നീ അജിത്ത് ചിത്രങ്ങള്‍ക്ക് ശേഷം ശിവ സംവിധാനം ചെയ്യുന്ന ചിത്രമാണ് വിശ്വാസം

യൂത്ത് ലുക്കില്‍ തല: സസ്പെന്‍സ് ഒളിപ്പിച്ച് വിശ്വാസത്തിന്‍റെ പുതിയ പോസ്റ്റര്‍ പുറത്ത്

ശിവ - അജിത് കൂട്ടുകെട്ടിലൊരുങ്ങുന്ന വിശ്വാസത്തിന്‍റെ പുതിയ പോസ്റ്റര്‍ പുറത്ത്. സാള്‍ട്ട് ആന്‍റ് പെപ്പര്‍ ലുക്കിലുള്ള പോസ്റ്ററുകള്‍ക്ക് ശേഷം യൌവ്വന കാലഖട്ടത്തെ പോസ്റ്ററാണ് പുറത്ത് വന്നിരിക്കുന്നത്. ചിത്രത്തിന്‍റെ വിതരണക്കാരായ സത്യജ്യോതി പ്രൊഡക്ഷന്‍സ് ട്വിറ്ററിലൂടെയാണ് പോസ്റ്റര്‍ പുറത്ത് വിട്ടത്. അജിത്തിന്‍റെ വലിയ മേക്ക് ഓവറാണ് പോസ്റ്ററില്‍ കാണാനാവുന്നത്. തടി കുറച്ച് കറുത്ത മുടിയും മീശയും താടിയുമുള്ള തലയുടെ പുതിയ ലുക്ക് ആരാധകര്‍ക്ക് വലിയ പ്രതീക്ഷയാണ് നല്‍കുന്നത്.

രണ്ട് ഗെറ്റപ്പിലാണ് അജിത്ത് എത്തുന്നതെന്ന് ആദ്യ പോസ്റ്ററില്‍ തന്നെ പുറത്ത് വിട്ട അണിയറ പ്രവര്‍ത്തകര്‍ ചിത്രത്തില്‍ അജിത്ത് ഇരട്ട വേഷത്തിലാണോ രണ്ട് ഗെറ്റപ്പുകളില്‍ മാത്രമാണോ പ്രത്യക്ഷപ്പെടുന്നത് എന്ന സസ്പെന്‍സ് പുറത്ത് വിട്ടിട്ടില്ല. നയന്‍ താരയാണ് ചിത്രത്തിലെ നായിക. വീരം, വേതാളം, വിവേകം എന്നീ അജിത്ത് ചിത്രങ്ങള്‍ക്ക് ശേഷം ശിവ സംവിധാനം ചെയ്യുന്ന ചിത്രമാണ് വിശ്വാസം. ചിത്രം പൊങ്കല്‍ റിലീസായി പ്രേക്ഷകര്‍ക്ക് മുന്നിലെത്തും.