Top

'ജനങ്ങളുടെ വേദനയാണ് എന്റെ വേദനയേക്കാൾ വലുത്' വീൽചെയറിൽ തെരഞ്ഞെടുപ്പ് റാലിയിൽ പങ്കെടുത്ത് മമത

"ഞാൻ വിശ്രമിച്ചാൽ ആരാണ് ബംഗാളിലെ ജനങ്ങളിലേക്ക് ഇറങ്ങിച്ചെല്ലുക?"

MediaOne Logo

  • Published:

    15 March 2021 11:15 AM GMT

  • Updated:

    2021-03-15 11:15:47.0

ജനങ്ങളുടെ വേദനയാണ് എന്റെ വേദനയേക്കാൾ വലുത് വീൽചെയറിൽ തെരഞ്ഞെടുപ്പ് റാലിയിൽ പങ്കെടുത്ത് മമത
X

തെരഞ്ഞെടുപ്പ് പ്രചാരണത്തിന് വീൽചെയറിൽ മുന്നൂറോളം കിലോമീറ്റർ യാത്ര ചെയ്ത് പശ്ചിമ ബംഗാൾ മുഖ്യമന്ത്രി മമത ബാനർജി. പശ്ചിമ ബംഗാളിലെ പുരുലിയയിലാണ് കാലിനു പരിക്കേറ്റ വിശ്രമത്തിലായ മമത വീൽചെയറിൽ തെരഞ്ഞെടുപ്പ് റാലിയെ അഭിസംബോധന ചെയ്തത്. ജനങ്ങളുടെ വേദനയാണ് എന്റെ വേദനയേക്കാൾ വലുത്' - അവർ പറഞ്ഞു. " ഒടിഞ്ഞ കാലുമായി എനിക്ക് പുറത്തിറങ്ങാൻ കഴിയില്ലെന്നാണ് ചിലർ വിചാരിച്ചത്."

ഇന്നലെ കൊൽക്കത്തയിൽ നടന്ന റാലിയിലും മമത സമാനമായ പ്രസ്താവന നടത്തിയിരുന്നു. "ഏകാധിപത്യത്താൽ ചവിട്ടിമെതിക്കപ്പെടുന്ന ജനാധിപത്യത്തിലെ ജനങ്ങളുടെ വേദനയേക്കാൾ വലുതല്ല എന്റെ വേദന. ഈ വീൽചെയറിൽ ഞാൻ ഇനിയും ബംഗാളിൽ യാത്ര ചെയ്യും. ഞാൻ വിശ്രമിച്ചാൽ ആരാണ് ബംഗാളിലെ ജനങ്ങളിലേക്ക് ഇറങ്ങിച്ചെല്ലുക? " അവർ ചോദിച്ചു.

"എന്റെ കാലിനു പരിക്കേറ്റു. ഭാഗ്യം കൊണ്ടാണ് എന്റെ ജീവൻ അപായപ്പെടാഞ്ഞത്. എന്റെ കാലിൽ പ്ലാസ്റ്റർ ഉള്ളതിനാൽ എനിക്ക് നടക്കാൻ കഴിയില്ല" അവർ പുരുലിയയിലെ റാലിയിൽ ജനങ്ങളെ അഭിസംബോധന ചെയ്ത് പറഞ്ഞു. " ബി.ജെ.പി ഇവിടെ ജയിച്ചത് നുണകൾ കൊണ്ടാണ്. അവർ എല്ലാം വിറ്റു തുളക്കുകയാണ് " കഴിഞ്ഞ ലോക്സഭാ തെരഞ്ഞെടുപ്പിൽ ഇവിടെ ജയിച്ചത് ബി.ജെ.പി ആയിരുന്നു.

TAGS :
Next Story