LiveTV

Live

Kerala

ഹാദിയയെ കാണാൻ മാതാപിതാക്കളെത്തി

മലപ്പുറം ഒതുക്കുങ്ങലിലെ ക്ലിനിക്കിലാണ് പിതാവ് അശോകനും മാതാവ് പൊന്നമ്മയും എത്തിയത്

ഹാദിയയെ കാണാൻ മാതാപിതാക്കളെത്തി

ഹാദിയയെ കാണാൻ മാതാപിതാക്കളെത്തി. മലപ്പുറം ഒതുക്കുങ്ങലിലെ ക്ലിനിക്കിലാണ് പിതാവ് അശോകനും മാതാവ് പൊന്നമ്മയും എത്തിയത്.

ഡോക്ടർ ഹാദിയ  അശോകൻ മാതാപിതാക്കളോടൊപ്പം
ഡോക്ടർ ഹാദിയ അശോകൻ മാതാപിതാക്കളോടൊപ്പം

ദേശീയതലത്തിൽ തന്നെ ശ്രദ്ധേയമായ കേസാണ് ഹാദിയയുടെയും ഷെഫീൻ ജഹാന്റെയും. കോട്ടയം ജില്ലയിലെ വൈക്കത്ത് കാരാട്ട് വീട്ടില്‍ കെ.എം അശോകന്റെ മകള്‍ അഖില എന്ന പെണ്‍കുട്ടി ഇസ്‌ലാം മതം സ്വീകരിച്ച് ഷെഫീൻ ജഹാനെ വിവാഹം കഴിക്കുകയായിരുന്നു.

ഈ വിവാഹം ഹൈക്കോടതി റദ്ദാക്കിയതോടെ ഷെഫീൻ ജഹാൻ സുപ്രീംകോടതിയെ സമീപിച്ചു. ഹോമിയോ ഡോക്ടറാകാൻ പഠിക്കുന്ന സമയത്തായിരുന്നു ഹാദിയയുടെ മതംമാറ്റവും അനുബന്ധ സംഭവങ്ങളും. ഏറെ നാൾ നീണ്ട നിയമപോരാട്ടത്തിനൊടുവിലാണ് ഹാദിയയുടെയും ഷെഫീൻ ജഹാന്റെയും വിവാഹം സുപ്രീംകോടതി അംഗീകരിച്ചത്.

ഇതിനു ശേഷം പഠനം പൂർത്തിയാക്കിയ ഹാദിയ മലപ്പുറം ഒതുക്കുങ്ങലിൽ സ്വന്തമായി ക്ലിനിക് ആരംഭിക്കുകയായിരുന്നു. ഡോക്ടർ ഹാദിയ ക്ലിനിക്ക് എന്നാണ് ക്ലിനിക്കിന്റെ പേര്.