LiveTV

Live

Kerala

കിഫ്ബിയില്‍ കുരുക്ക് വെക്കുമോയെന്ന് ആശങ്ക; കേന്ദ്ര ബജറ്റില്‍ കണ്ണുംനട്ട് കേരളം

കോവിഡ് കാല ബജറ്റില്‍ ആരോഗ്യ രംഗത്തും കൂടുതല്‍ പ്രഖ്യാപനങ്ങള്‍ക്ക് കാതോര്‍ക്കുകയാണ് കേരളം

കിഫ്ബിയില്‍ കുരുക്ക് വെക്കുമോയെന്ന് ആശങ്ക; കേന്ദ്ര ബജറ്റില്‍ കണ്ണുംനട്ട് കേരളം

കോവിഡ് കാലത്തെ കേന്ദ്ര ബജറ്റിനെ ഏറെ പ്രതീക്ഷയോടെയാണ് സംസ്ഥാനം കാത്തിരിക്കുന്നത്. അടിസ്ഥാന വികസന രംഗത്ത് കൂടുതല്‍ നിക്ഷേപങ്ങള്‍ക്ക് വഴി തുറക്കുന്നതാകും ബജറ്റെന്നാണ് സംസ്ഥാനത്തിന്റെ പ്രതീക്ഷ. കിഫ്ബിക്ക് കേന്ദ്രം ഉടക്ക് വെക്കുമോയെന്ന ആശങ്കയും സംസ്ഥാനത്തിനുണ്ട്.

കോവിഡ് തീര്‍ത്ത പ്രതിസന്ധിയെ മറികടക്കണം. സംസ്ഥാനങ്ങളുടെ വായ്പാ പരിധി ഉയര്‍ത്തിയത് ഒരു വര്‍ഷം കൂടി തുടരണം. വായ്പാ പരിധിയില്‍ ഒരു ശതമാനത്തി വര്‍ധനവും സംസ്ഥാനം പ്രതീക്ഷിക്കുന്നു. നികുതി വര്‍ധനവുകള്‍ സാധാരണക്കാര്‍ക്ക് താങ്ങാനാവില്ല. അതിനാല്‍ നികുതി വര്‍ധനവുകള്‍ ശുപാര്‍ശ ചെയ്യാത്തതാവണം ബജറ്റ്. കര്‍ഷകര്‍ തെരുവിലായതിനാല്‍ കാര്‍ഷിക രംഗത്തേക്ക് പ്രത്യേക പാക്കേജിന് സാധ്യതയുണ്ട്. ഇത് കേരളത്തിന് കൂടി ഉപകാരപ്പെടും. ഇതിനെല്ലാം അപ്പുറം എംയിംസ്, റെയില്‍വേ സോണ്‍ തുടങ്ങിയ കാലാകാലങ്ങളായുള്ള ആവശ്യം ബജറ്റില്‍ ഇടം പിടിക്കൂമോയെന്നും കേരളം ഉറ്റു നോക്കുന്നു. അടിസ്ഥാന വികസന രംഗത്ത് നിക്ഷേപ സാധ്യതകള്‍ തുറന്നിടുമെന്നാണ് കേരളത്തിന്‍റെ കണക്ക് കൂട്ടല്‍. അപ്പോഴും കിഫ്ബി ഉടക്ക് വെയ്ക്കുമോയെന്ന ആശങ്കയും ധനമന്ത്രിക്കടക്കം ഉണ്ട്.

കോവിഡ് കാല ബജറ്റില്‍ ആരോഗ്യ രംഗത്തും കൂടുതല്‍ പ്രഖ്യാപനങ്ങള്‍ക്ക് കാതോര്‍ക്കുകയാണ് കേരളം. കെ റെയില്‍, ശബരി-അങ്കമാലി പാതകളും ബജറ്റില്‍ ഇടം പിടിക്കുമെന്ന പ്രതീക്ഷയും കേരളത്തിനുണ്ട്. ഇന്ധന നികുതിയിലും കേന്ദ്രം ഇളവ് വരുത്തണമെന്നാണ് സംസ്ഥാനത്തിന്‍റെ ആഗ്രഹം.