LiveTV

Live

Kerala

നെ​യ്യാ​റ്റി​ൻ​ക​ര സം​ഭ​വം: വസ്തു എന്റേത് തന്നെ, വിട്ടുകൊടുക്കില്ല: പരാതിക്കാരി

നെയ്യാറ്റിന്‍കരയിലെ ദമ്പതികളുടെ മരണം ദൗര്‍ഭാഗ്യകരമെന്ന് മന്ത്രി കടകംപള്ളി സുരേന്ദ്രന്‍ പറഞ്ഞു

നെ​യ്യാ​റ്റി​ൻ​ക​ര സം​ഭ​വം: വസ്തു എന്റേത് തന്നെ, വിട്ടുകൊടുക്കില്ല: പരാതിക്കാരി

കു​ടി​യൊ​ഴു​പ്പി​ക്കു​ന്ന​തി​നി​ടെ ജീ​വ​നൊ​ടു​ക്കി​യ ദ​മ്പ​തി​ക​ളു​ടെ അ​യ​ൽ​വാ​സി​യാ​യ സ്ത്രീ​യെ പോ​ലീ​സ് ക​സ്റ്റ​ഡി​യി​ലെ​ടു​ത്തു. ക്ര​മ​സ​മാ​ധാ​ന പ്ര​ശ്ന​മു​യ​ർ​ത്തി​യാ​ണ് ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ൽ അ​യ​ൽ​വാ​സി വ​സ​ന്ത​യെ പോ​ലീ​സ് വീ​ട്ടി​ൽ നി​ന്നും മാ​റ്റി​യ​ത്.

നെയ്യാറ്റിന്‍കരയിലെ ദമ്പതികളുടെ മരണം ദൗര്‍ഭാഗ്യകരമെന്ന് മന്ത്രി കടകംപള്ളി സുരേന്ദ്രന്‍ പറഞ്ഞു. ദമ്പതികള്‍ക്കെതിരെ പരാതി നല്‍കിയ സ്ത്രീയെ കസ്റ്റഡിയിലെടുക്കാന്‍ നടപടിയുണ്ടാകും. പൊലീസിന്റെ ഭാഗത്ത് വീഴ്ചയുണ്ടായോ എന്ന് പരിശോധിക്കുമെന്നും, മരിച്ച രാജന്റെയും അമ്പിളിയുടെയും വീട് സന്ദര്‍ശിച്ച ശേഷം മന്ത്രി പറഞ്ഞു.

മ​രി​ച്ച അ​മ്പി​ളി​യു​ടെ മൃ​ത​ദേ​ഹം വീ​ട്ടി​ലെ​ത്തി​ക്കു​മ്പോ​ൾ ഇ​വ​ർ​ക്കെ​തി​രേ പ്ര​തി​ഷേ​ധം ഉ​യ​രാ​ൻ സാ​ധ്യ​ത​യു​ണ്ടെ​ന്ന വി​ല​യി​രു​ത്ത​ലി​ലാ​ണ് പോ​ലീ​സ് ന​ട​പ​ടി. വ​സ​ന്ത​യെ പോ​ലീ​സ് വീ​ട്ടി​ൽ നി​ന്നും മാ​റ്റു​ന്ന​തി​നി​ടെ നാ​ട്ടു​കാ​രു​ടെ പ്ര​തി​ഷേ​ധ​മു​ണ്ടാ​യി.

അ​വ​കാ​ശ​വാ​ദം ഉ​ന്ന​യി​ച്ച ഭൂ​മി ത​ന്‍റേ​ത് ത​ന്നെ​യാ​ണെ​ന്ന് വ​സ​ന്ത നേ​ര​ത്തെ പ്ര​തി​ക​രി​ച്ചി​രു​ന്നു. നിയമവഴി മാത്രമാണ് സ്വീകരിച്ചത്. വസ്തു തന്റേതെന്നു തെളിയിക്കും. വസ്തു വിട്ടുകൊടുക്കാന്‍ മക്കള്‍ പറയുന്നു. തല്‍ക്കാലും വിട്ടുകൊടുക്കില്ലെന്നും നിയമത്തിന്‍റെ മുന്നില്‍ മുട്ടുകുത്തിച്ചിട്ട് വിട്ടുകൊടുക്കാമെന്നും വസന്ത പറഞ്ഞു.

കോ​ട​തി ഉ​ത്ത​ര​വ് ന​ട​പ്പി​ലാ​ക്കാ​നെ​ത്തി​യ അ​ഡ്വ​ക്കേ​റ്റ് ക​മ്മീ​ഷ​ന്‍റെ​യും പോ​ലീ​സി​ന്‍റെ​യും മു​ന്നി​ലാ​ണ് ദ​മ്പ​തി​ക​ളാ​യ രാ​ജ​ൻ (47), അ​മ്പി​ളി (40) എ​ന്നി​വ​ർ ശ​രീ​ര​ത്ത് മ​ണ്ണെ​ണ്ണ​യൊ​ഴി​ച്ച് തീ​കൊ​ളു​ത്തി​യ​ത്. രാ​ജ​ന്‍റെ മൃ​ത​ദേ​ഹം തി​ങ്ക​ളാ​ഴ്ച ത​ര്‍​ക്ക​പ്ര​ദേ​ശ​ത്തു​ത​ന്നെ സം​സ്ക​രി​ച്ചി​രു​ന്നു. ഭാ​ര്യ​യു​ടെ മൃ​ത​ദേ​ഹം ഇ​ന്നു വൈ​കി​ട്ട് രാ​ജ​ന്‍റെ കു​ഴി​മാ​ട​ത്തി​ന് സ​മീ​പം സം​സ്ക​രി​ക്കും.

സം​ഭ​വ​ത്തി​ൽ ഡി​ജി​പി​യു​ടെ നി​ർ​ദ്ദേ​ശ​പ്ര​കാ​രം റൂ​റ​ൽ എ​സ്പി ബി.​അ​ശോ​ക് അ​ന്വേ​ഷ​ണം തു​ട​ങ്ങി. പോ​ലീ​സി​ന് വീ​ഴ്ച​യു​ണ്ടാ​യി​ട്ടു​ണ്ടോ എ​ന്ന കാ​ര്യ​വും പ​രി​ശോ​ധി​ക്കു​മെ​ന്ന് ഡി​ജി​പി വ്യ​ക്ത​മാ​ക്കി​യി​ട്ടു​ണ്ട്.