LiveTV

Live

Kerala

മലപ്പുറത്തെ 'തട്ടമിട്ട' ബി.ജെ.പി സ്ഥാനാർഥിക്ക് കിട്ടിയത് 56 വോട്ട്!

ഇവിടെ 961 വോട്ടുകൾ നേടി യു.ഡി.എഫ്​ സ്വതന്ത്ര സ്ഥാനാർഥിയായ സീനത്താണ്​ വിജയിച്ചത്​

മലപ്പുറത്തെ 'തട്ടമിട്ട' ബി.ജെ.പി സ്ഥാനാർഥിക്ക് കിട്ടിയത് 56 വോട്ട്!

നരേന്ദ്ര മോദിയോടുള്ള അടങ്ങാത്ത ആരാധനയാല്‍ ബി.ജെ.പിയില്‍ ചേര്‍ന്ന വണ്ടൂരിലെ ബി.ജെ.പി സ്ഥാനാർഥി ടി.പി സുൽഫത്തിന്​ ആകെ ലഭിച്ചത്​ 56 വോട്ട്​​. മലപ്പുറം ജില്ലയിലെ വാണിയമ്പലം പഞ്ചായത്തിലെ ആറാം വാർഡ് സ്ഥാനാർഥിയാണ് ശാന്തി നഗർ കൂറ്റൻ പാറ സ്വദേശിനിയായ ടി.പി. സുൽഫത്ത്. ഇവിടെ 961 വോട്ടുകൾ നേടി യു.ഡി.എഫ്​ സ്വതന്ത്ര സ്ഥാനാർഥിയായ സീനത്താണ്​ വിജയിച്ചത്​. വണ്ടൂർ ഗ്രാമപഞ്ചായത്തിലെ ആറാംവാർഡിൽ ഇടത്​ സ്ഥാനാർഥി അൻസ്​ രാജന്​ 650 വോട്ടുകൾ ലഭിച്ചു.

മുത്തലാഖ്​ ബിൽ പോലുള്ള വിഷയങ്ങളിൽ മുസ്​ലിം സ്​​ത്രീകൾ ബി.ജെ.പിക്ക്​ അനുകൂലമായി ചിന്തിക്കുമെന്ന്​ സുൽഫത്ത്​ അവകാശപ്പെട്ടിരുന്നു. 2014ൽ മോദി അധികാരത്തിലേറിയത്​ മുതൽ അദ്ദേഹ​ത്തിന്‍റെ ആരാധികയാണെന്ന്​ അവകാശപ്പെട്ട സുൽഫത്ത്​പൗരത്വനിയമത്തെക്കുറിച്ചുള്ള അഭിപ്രായം ചോദിച്ചപ്പോൾ പഠിച്ചിട്ടില്ലെന്നായിരുന്നു മറുപടി. സുൽഫത്തിന്‍റെ ഭർത്താവ്​ വിദേശത്താണ്​.രണ്ട്​ മക്കളുടെ അമ്മ കൂടിയാണ്​ സുൽഫത്ത്​.