LiveTV

Live

Kerala

'ബിനീഷ് ഗുണ്ട, പണത്തോട് ആര്‍ത്തി, മകന്‍ ചെയ്ത കുറ്റത്തിന് അച്ഛനെ എന്തിന് കുറ്റപ്പെടുത്തണം?' എം എം ലോറന്‍സ്

ഏത് രാഷ്ട്രീയ പാര്‍ട്ടിയായാലും ആത്മപരിശോധന നടത്തി തെറ്റ് തിരുത്താന്‍ തയ്യാറാകണമെന്ന് എം എം ലോറന്‍സ്

'ബിനീഷ് ഗുണ്ട, പണത്തോട് ആര്‍ത്തി, മകന്‍ ചെയ്ത കുറ്റത്തിന് അച്ഛനെ എന്തിന് കുറ്റപ്പെടുത്തണം?' എം എം ലോറന്‍സ്

സിപിഎം സംസ്ഥാന സെക്രട്ടറിയുടെ മകന്‍ ബിനീഷ് കോടിയേരി ഗുണ്ടയാണെന്ന് മുതിര്‍ന്ന സിപിഎം നേതാവ് എം എം ലോറന്‍സ്. ബിനീഷിന് പണത്തോട് ആര്‍ത്തിയാണ്. മകന്‍ ചെയ്ത തെറ്റിന് പിതാവിനെ എന്തിന് കുറ്റപ്പെടുത്തണമെന്നും എം എം ലോറന്‍സ് ചോദിച്ചു.

"ബിനീഷിനെ കുട്ടിക്കാലം മുതല്‍ എനിക്കറിയാം. വളരെ മര്യാദക്കാരനും സുമുഖനുമായിരുന്നു. പിന്നെ ഗുണ്ടയായിട്ട് പ്രവര്‍ത്തിക്കാന്‍ തുടങ്ങി. തെമ്മാടിയായി. അച്ഛന്‍ അറിഞ്ഞിട്ടോ അച്ഛനോട് ചോദിച്ചിട്ടോ ഒന്നുമല്ല ഇതൊക്കെ ചെയ്യുന്നത്. പണം സമ്പാദിക്കാന്‍ നിയമവിരുദ്ധമായി പ്രവര്‍ത്തിക്കുന്നു"- എം എം ലോറന്‍സ് പറഞ്ഞു.

സിപിഎമ്മിലെ ചിലര്‍ സ്ഥാനമാനങ്ങള്‍ കിട്ടിയപ്പോള്‍ തെറ്റായ നിലപാട് സ്വീകരിക്കുന്നു. ഏത് രാഷ്ട്രീയ പാര്‍ട്ടിയായാലും ആത്മപരിശോധന നടത്തി തെറ്റ് തിരുത്താന്‍ തയ്യാറാകണം. തെറ്റുണ്ടായാല്‍ തിരുത്താന്‍ തയ്യാറാണെന്ന ഇഎംഎസിന്റെ നിലപാട് ഇന്നത്തെ പല നേതാക്കള്‍ക്കുമില്ലെന്നും എം എം ലോറന്‍സ് മീഡിയവണിനോട് പറഞ്ഞു.