LiveTV

Live

Kerala

തിരുവനന്തപുരം വിമാനത്താവളം: വ്യോമയാന മന്ത്രിക്കെതിരെ എളമരം കരീം എം.പി അവകാശലംഘന നോട്ടീസ് നല്‍കി

തിരുവനന്തപുരം വിമാനത്താവളം അദാനിക്ക് പാട്ടത്തിന് നൽകിയതുമായി ബന്ധപ്പെട്ട് വ്യോമയാന മന്ത്രി ഹർദീപ് സിങ് പുരിക്കെതിരെ എളമരം കരീം എംപി അവകാശലംഘന നോട്ടീസ് നൽകി.

തിരുവനന്തപുരം വിമാനത്താവളം: വ്യോമയാന മന്ത്രിക്കെതിരെ എളമരം കരീം എം.പി അവകാശലംഘന നോട്ടീസ് നല്‍കി

തിരുവനന്തപുരം വിമാനത്താവളം അദാനിക്ക് പാട്ടത്തിന് നൽകിയതുമായി ബന്ധപ്പെട്ട് വ്യോമയാന മന്ത്രി ഹർദീപ് സിങ് പുരിക്കെതിരെ എളമരം കരീം എം.പി അവകാശലംഘന നോട്ടീസ് നൽകി. സഭയെ തെറ്റിദ്ധരിപ്പിക്കുന്ന പ്രസ്താവന നൽകി എന്ന് കാണിച്ച് രാജ്യസഭാ സെക്രട്ടറി ജനറലിനാണ് നോട്ടീസ് നൽകിയത്.

ബിഡ്ഡിംഗ് പ്രക്രിയ സംബന്ധിച്ച പ്രശ്‌നങ്ങള്‍ കോടതിയുടെ പരിഗണനയിലായതിനാല്‍ ഈ വിഷയത്തില്‍ കേന്ദ്രം അന്തിമ തീരുമാനം എടുത്തിട്ടില്ല എന്നാണ് തന്റെ ചോദ്യത്തിന് മറുപടിയായി കേന്ദ്ര വ്യോമയാന മന്ത്രി രാജ്യസഭയില്‍ രേഖാമൂലം പ്രസ്താവന നടത്തിയത്. എന്നാല്‍ വിമാനത്താവളവും അനുബന്ധമായുള്ള ഭൂമിയും 50 വര്‍ഷത്തേക്ക് അദാനി ഗ്രൂപ്പിന് വിട്ടുനല്‍കിക്കൊണ്ട് കേന്ദ്രസര്‍ക്കാര്‍ തീരുമാനമെടുത്തിരിക്കുകയാണ്.

ഇത് അവകാശലംഘനവും സർക്കാർ തീരുമാനം പാർലമെന്റിനെ അവഹേളിക്കുന്നതുമായതിനാൽ രാജ്യസഭാ നടപടിക്രമങ്ങളിലെ 187 മുതൽ 203 വരെയുള്ള ചട്ടങ്ങൾ അനുസരിച്ച് കർശന നടപടി സ്വീകരിക്കണമെന്നും നോട്ടീസിൽ ആവശ്യപ്പെടുന്നു.അതേസമയം തിരുവനന്തപുരം എയർപോർട്ട് സ്വകാര്യകമ്പനിക്ക് കൈമാറാനുള്ള നീക്കത്തിനെതിരെ സംസ്ഥാന സര്‍ക്കാര്‍ ഹൈക്കോടതിയെ സമീപിച്ചു. കേന്ദ്രത്തിന്റെ നടപടികൾ സ്‌റ്റേ ചെയ്യണമെന്നാവശ്യപ്പെട്ട് സർക്കാർ ഹൈക്കോടതിയെ സമീപിച്ചത്.