LiveTV

Live

Kerala

സംസ്കാരം തടഞ്ഞ സംഭവം; ബിജെപി കൗൺസിലര്‍ക്കെതിരെ കേസെടുത്തു

ടി.എൻ ഹരികുമാറിന് പുറമെ കണ്ടാലറിയാവുന്ന 50 പേർക്കെതിരെയും കേസ് രജിസ്റ്റര്‍ ചെയ്തിട്ടുണ്ട്

സംസ്കാരം തടഞ്ഞ സംഭവം; ബിജെപി കൗൺസിലര്‍ക്കെതിരെ കേസെടുത്തു

കോട്ടയത്ത് കോവിഡ് ബാധിച്ച് മരിച്ച വ്യക്തിയുടെ സംസ്‌ക്കാരം തടഞ്ഞ സംഭവത്തില്‍ ബി.ജെ.പി കൗൺസിലർ ടി.എൻ ഹരികുമാറിനെതിരെ കേസെടുത്തു. എപ്പിഡെമിക് ആക്ട് പ്രകാരമാണ് കേസ് രജിസ്റ്റര്‍ ചെയ്തത്. ടി.എൻ ഹരികുമാറിന് പുറമെ കണ്ടാലറിയാവുന്ന 50 പേർക്കെതിരെയും കേസ് രജിസ്റ്റര്‍ ചെയ്തിട്ടുണ്ട്.

മുട്ടമ്പലത്തെ നഗരസഭാ ശ്മശാനത്തില്‍ കോവിഡ് ബാധിച്ച് മരിച്ച ചുങ്കം സ്വദേശി ഔസേപ്പ് ജോര്‍ജ്ജിന്‍റെ മൃതദേഹം സംസ്‌കരിക്കുന്നതിനെതിരെ ബി.ജെ.പി കൗണ്‍സിലര്‍ ടി.എന്‍ ഹരികുമാറിന്റെ നേതൃത്വത്തില്‍ ബി.ജെ.പി പ്രവര്‍ത്തകരും സ്ത്രീകളടക്കമുള്ള നാട്ടുകാരും ചേര്‍ന്ന് പ്രതിഷേധിച്ചിരുന്നു. മുട്ടമ്പലം പൊതു ശ്മശാനത്തില്‍ സംസ്കാരം നടത്തുന്നതിനെതിരെയാണ് നാട്ടുകാര്‍ ബി.ജെ.പി കൗണ്‍സിലറുടെ നേതൃത്വത്തില്‍ പ്രതിഷേധിച്ചത്. കഴിഞ്ഞ ദിവസം മരിച്ച ഇവരുടെ പരിശോധനാ ഫലം കോവിഡ് പോസിറ്റീവ് ആണെന്ന് സ്ഥിരീകരിച്ചിരുന്നു. ഇതിനിടയില്‍ തിരുവഞ്ചൂർ രാധാകൃഷ്ണൻ എംഎൽഎയും നഗരസഭാ അധികൃതരും ചർച്ച ചെയ്തിരുന്നെങ്കിലും എതിർപ്പിനെ തുടർന്ന് സംസ്കാരം മാറ്റിവെക്കാനായിരുന്നു തീരുമാനം. എന്നാൽ ജില്ലാ ഭരണകൂടത്തിന്റെ ഉറച്ച തീരുമാനത്തെ തുടർന്ന് രാത്രി 11 മണിയോടെ തന്നെ സംസ്കാരം നടത്തി.